M2 Kitchen

營業中

休息中

Cafe分左室內同室外，室內用餐區成層好大，室外相信好多人無去過都會見過，掛滿假花🌸🌸燈飾岩曬影打卡相，外面食野吹住風真係幾chill，無見邊款多人推薦必點，靠自己亂咁翻牌寵幸啦。洋腸Pizza 尺寸唔大，兩個人清曬未算飽，內餡芝士同料夠味，邊位烘到幾有咬口，放耐左咬有啲累。檸檬香雞槌 雞槌焗到好香口，吱幾下檸檬汁清下油膩感，值得試下，份量咁偏細，一個人好易ko曬😅可能自己大食。雲石藍莓蛋糕成個焦點放左落隻雲石碟到，連帶件cake一齊升左個level，想做女仔生意真係好易，所謂未嚐其味先賞其貌🤣，平時一般藍莓芝士蛋糕各有各，點單睇中佢夠特別，mix埋有漸變色，cream cheese好濃郁，夾雜啖啖藍莓味同咬到藍莓碎，飯後甜品開心share無咁膩。凍水果茶野食野食出品正常，份量可以再多啲就更好，食完周圍行下影相，幾大幾靚，下午茶時段氣氛相當有feel，推薦影相打卡的cafe🌸。