得懿

營業中

休息中

話說果日帶住一個極壞心情去澳門。。。(親人突然離世)。。。淚崩。。。傷心。。。送完親人最後一程。。。心情點差。。。雖然完全冇胃口。。。點都要食d嘢咖。。。於是。。。又去返一間可以令我放鬆一下嘅小店，老闆同老闆娘一見到我隻眼腫晒，就問我發生咩事，佢哋真係好好人，不但冇催我嗌嘢食，仲聽我講傷心事，兼且慰問我。。。好感動。。。多謝你哋🙇喊完，心情終於一d放鬆，於是。。。又亂咁嗌嘢食啦，首先又叫咗隻羊架，老闆娘攞出嚟，嘩！好大隻，超級juicy，唔羶，好嫩滑，肉醬千層麵焗得啱啱好，芝士好香，而且肉醬唔會好鹹，炆牛尾仲好食過上次，個汁收水收得啱啱好，好好食，多謝老闆娘賣晒巨型魷魚沙律，特登整一份俾我，新鮮即整好fresh又鮮甜，味道一流。對唔住，飲咗你哋咁多支黑啤，失禮晒🙇🙇🙇(特別鳴謝老闆、老闆娘俾我特別情況特別order半份餐)咁有人情味嘅小店咁有人情味嘅老闆夫婦就係好難得♥️♥️