六記粥麵

營業中

休息中

去澳門如果跟旅遊書，只會去多人多到爆又貴既餐廳，因為之前有本地人帶路關係，我地至會識黎，當日係平日，我約7點多到達，唔算多人，伙計都好熱情招呼，雖然係大排檔格局但感覺乾爽乾淨。必食蝦子撈麵，佢既麵係自家傳統竹昇麵，係香港已經絕跡咁濟，麵口感唔會太硬太腍，食既時候伴隨住蝦子香味，忍唔要再叫多一碟！雲吞麵，雖然雲吞細粒，但味道好好！估唔到佢地除左竹昇麵，其他小菜都好有鑊氣！乾炒牛河無油膩既感覺炒蜆辣得好過癮！最後提提大家，六記既營業時間係不定時，之前幾次特登黎都摸門釘，所以去之前最好打個電話去確認佢會開~