鳴詩

營業中

休息中

今日我們去咗澳門工作，工作完之後我們去咗路氹城四季酒店嘅「Belcancao」食自助晚餐！他們今期嘅主題係海鮮！所以有新鮮即開生蠔、開邊凍龍蝦、長腳蟹、帆立貝、原隻凍蝦、青口、吞拿魚他他、黑毛豬火腿、清蒸海上鮮、刺身壽司同多款特色甜品等等等等⋯⋯新鮮即開生蠔雖然唔係好大隻，但肉質好肥美肉厚，而且係新鮮即開，所以味道超級鮮甜！開邊凍龍蝦嘅肉質非常新鮮同爽口彈牙！長腳蟹嘅肉質相當鮮味彈牙，味道唔會好鹹！吞拿魚他他係將吞拿魚表面輕輕燒過，令到吞拿魚嘅外層微熱，入面仲係冰凍嫩滑嘅刺身，令到口感相當豐富！清蒸海上鮮蒸嘅時間控制得啱啱好，所以肉質非常鮮甜嫩滑！甜品嘅款式種類眾多，賣相好精緻吸引，特別係心形馬卡龍，真係極之有心思！係本人嘅必食推介！