遊咖啡

營業中

休息中

雖然openrice都有澳門區嘅食評，但可能唔係好多人有將澳門食評post喺呢度嘅習慣，當地人更加唔會喺度寫食評，所以部分評論都較少、舊。澳門嘅cafe相當多，今次之行，都冇安排要黎呢間遊咖啡，只係我地喺附近食完晚飯，距離回程嘅船有一段時間，所以先臨時上網搵嘅。見到圖片有個甜品幾吸引，所以喺附近幾間當中揀左呢間。餐牌中有幾年前店主嘅前言：「小店的出現，是因為我們想做自己喜歡的，我們深信，做自己喜歡的事是最發自內心的，亦是快樂。它能使一切事情變好。」而家佢地已經有3間店，分別喺羅神父街、關閘區、皇朝分店。我地去嘅係高士德店，環境唔錯，裝潢都係帶啲文青感。（客人多，我唔方便影相）正值晚飯時間，小店客人都唔少，餐單主要以西式食物為主，但由於我地已經食過拉麵，只係食得落甜品。甜品有燉蛋、蛋糕、雪糕、鬆餅，價錢合理。飲品都有咖啡、奶類、梳打、冰沙、果汁、酒類，三、四十蚊。甜品/飲品餐牌：朱古力脆皮抹茶冰山 $38賣相令我有點驚訝，我估唔到佢係呢種presentation雪糕，一層朱古力醬，一層雪糕，最後再淋上朱古力醬。裡面有兩球抹茶雪糕，抹茶味濃郁，不過冰感較重。朱古力醬好快已經變硬，下面一球基