沙利文餐廳

營業中

休息中

我地呢班人都唔識死，山竹下我地都照過澳門玩，仲要由朝玩到晚。炸馬介休球$65 個個都話個馬介休整得唔錯，係唯獨我覺得佢有啲鹹， 唔通我咁好彩，抽中咗最多鹽嗰舊。非洲辣雞 (半隻) $175 人氣嘅非洲雞今日終於有機會見識下啦 味道都幾好，就算係雞胸位，啲雞肉都唔會話太鞋。呢個包係用嚟配非洲雞食，非洲雞嘅辣汁滲入個包度，好味。紅豆豬手 $160 有少少酒味，紅豆好大粒，醬汁好適合用嚟送飯。燒西洋沙甸魚沙律$135 沙甸魚燒得唔錯，好香， 有啲軟骨，不過真係太多骨啦! 要好小心好小心咁食。沙利文炒飯$95 一上枱幾個人都覺得好驚訝，大家心裏面同一句"揚州炒飯"。 但係入口先發覺佢同揚州炒飯唔同，佢有一種特別嘅香味， 可能就係所謂嘅沙利文炒飯。沙利文特式木糠布甸$66 木糠布甸有好強烈嘅雪櫃味。