祥記麵家

營業中

休息中

記得細個跟阿爸阿媽去澳門，一定會帶我周圍去食好嘢！其中一間必去嘅係祥記麵家。今次嚟澳門玩兩日一夜，又再重遊故地嚟祥記！嚟得祥記，大部份人都會叫佢哋嘅招牌蝦籽撈麵，我梗係其中一份子啦！祥記麵家嘅竹昇麵仲仍然係人手製，一路食一路望入廚房都見到有伙記喺度造麵。造出嚟麵條夠晒彈牙而且無檢水味，而蝦籽都好香又無腥味，再加埋薑蔥嘅香味，我個人嚟講就覺得唔錯！我相信我咁鐘意食祥記嘅其中一個原因係有一份情意結，情意結的確會令食物好味d！另外就係店舖嘅舊裝修令人有好多回憶！