小窩 (已結業)

本來跟男朋友要去一間萄國餐廳吃飯，但上了的士司機話那邊打風後水沉去唔到，所以佢介紹我去官也街食金船，但當然唔會盡信🐒……所以行佐一圈 我地既目標係焗鴨飯，其他見到佢地餐牌就冇食欲…一定唔會去木偶同小飛象，因為擺明係做旅客。黎間個樣好得又靜所以就入佐。入去有驚喜，通常餐包我係唔會點食，試佐一件內脆外軟OMG食哂。 個馬介休好味到唔識評,重點係去到一定要點一份，一定會有下次。10分個焗鴨飯係香既，但比個馬介休搶佐，所以只有8.94分。個蝦都可以比10分，個汁好味有辣有酸，我係食得辣，都會有辣意，所以唔食得辣要同佢地溝通下。記得食完走佐去買手信再上的士個時，嘴再還有蝦汁既味。氣氛好，舒服，靜既。侍應有禮，他們有收10%服務費，但我個人應為他們服務很好所以額外比佐貼士。93.88總分，完。