影片
更多
2011-10-08
791 瀏覽
總共去過 2 次 - 婚前自己生日 & 婚後結婚週年紀念日。由於兩次都係一早 book 枱而又係好夜到嘅關係，所以兩次去都唔駛等之餘又少人。環境訂枱時你可以 reserve 對噴水池位 ，你就可以睇到好強勁嘅音樂噴泉 - 一個添加嘅娛樂。服務第一次去時唔覺 d 乜嘢，但第二次去時，已陀住 BB，佢地會問你要唔要件披肩呀?（秋涼嘅關係?）、要唔要添麵包呀? 提你有一級梯級呀、洗手間小心跣呀果 D。食物 餐前麵包只係食長條型果隻同埋果隻 corn bread（即個面好似有層粉果隻）就已夠，其他嘅..唔食冇損失。如果真係食哂而又唔夠，你可以叫佢地加碼（唔駛收錢 too）。牛柳片伴野菌沙律 （MOP $158）好鮮味及開胃，牛肉片入口即溶咁，只嫌太貴 Orz....可能係因為 prime beef 嘅關係。 松露磨菇湯（MOP $88)好濃嘅磨菇味 & 好 creamy，但唔鹹。焗茄子（MOP $118）失望嘅一個菜式，原因只有一個：茄汁味太濃，蓋過哂所有其他味道，包括茄子嘅鮮味。海鮮 Pizza （MOP $158）除咗夠熱（熱到辣咀）外，冇乜特別和牛肉丸意粉（MOP $158）味道同焗茄
環境
訂枱時你可以 reserve 對噴水池位 ，你就可以睇到好強勁嘅音樂噴泉 - 一個添加嘅娛樂。
服務
第一次去時唔覺 d 乜嘢，但第二次去時，已陀住 BB，佢地會問你要唔要件披肩呀?（秋涼嘅關係?）、要唔要添麵包呀? 提你有一級梯級呀、洗手間小心跣呀果 D。
食物
餐前麵包
只係食長條型果隻同埋果隻 corn bread（即個面好似有層粉果隻）就已夠，其他嘅..唔食冇損失。如果真係食哂而又唔夠，你可以叫佢地加碼（唔駛收錢 too）。
牛柳片伴野菌沙律 （MOP $158）好鮮味及開胃，牛肉片入口即溶咁，只嫌太貴 Orz....可能係因為 prime beef 嘅關係。
松露磨菇湯（MOP $88)
好濃嘅磨菇味 & 好 creamy，但唔鹹。
焗茄子（MOP $118）失望嘅一個菜式，原因只有一個：茄汁味太濃，蓋過哂所有其他味道，包括茄子嘅鮮味。
海鮮 Pizza （MOP $158）除咗夠熱（熱到辣咀）外，冇乜特別
和牛肉丸意粉（MOP $158）味道同焗茄子一樣，蕃茄味太勁，食唔到其他味。但意粉的確做得好出色。
Tiramisu（唔記得幾錢）好好味嘅一個甜品，其他地方食唔到。唔太甜，好 smooth。但謹記只可叫一客兩個 or 以上 share 黎食，因為個份量係極之大！
第二次去時係因為慶祝結婚週年，佢地知後完餐時就有一個甜品送...超窩心 ♥
張貼
