影片
更多
2017-11-29
11888 瀏覽
去澳門緊係要搵間餐廳食自助餐，今次揀咗銀河嘅群芳。 喺網上買咗佢嘅餐券，成人一位300蚊， 而老人家只需要160蚊已經食到， 所以即刻帶阿媽去試下先。餐廳食物區好大， 座位都算寬敞， 出去巡下有咩食先 ，食物種類都算多， 一般刺身，生蠔，長腳蟹呢啲凍海鮮都有， 熱盤都有啲海鮮好似瀨尿蝦，焗扇貝，又有火雞，燒味, 大蝦球，即淥粉麵等等，湯就有南瓜湯， 佛跳牆 。甜品唔知係咪因為仲係11月南瓜當造，以南瓜為主題，我就覺得麻麻地，好彩都仲有其他嘅蛋糕。雪糕應該係自家製嘅，飲品都有好多選擇。如果10個讚滿分，我會俾佢7個讚好， 首先食啲凍海鮮先，生蠔普普通通，較細隻，無肉地，好彩仲有少少鮮味。長腳蟹就差啲，無味的凍蝦都ok,肉質都爽三文魚都新鮮有鮮味跟住食佢啲熱盤， 蒜蓉蒸扇貝非常好味，有粉絲墊底，粉絲吸哂啲蒜蓉味，good。 扇貝 肉質鮮嫩，正。另外牛仔骨都好味，佢燒到有少少焦，好香口。南瓜湯可以唔飲，因為太淡太稀，冇乜南瓜味。反而佛跳牆就一定要試， 每盅都有隻鮑魚仔，花膠，竹笙， 好足料，味道清清地，我都飲左兩盅。之後就食甜品，細細個嗰啲檸檬撻，焦糖 撻，好好味。 檸檬撻酸酸地，好開胃，
餐廳食物區好大， 座位都算寬敞， 出去巡下有咩食先 ，食物種類都算多， 一般刺身，生蠔，長腳蟹呢啲凍海鮮都有， 熱盤都有啲海鮮好似瀨尿蝦，焗扇貝，又有火雞，燒味, 大蝦球，即淥粉麵等等，湯就有南瓜湯， 佛跳牆 。甜品唔知係咪因為仲係11月南瓜當造，以南瓜為主題，我就覺得麻麻地，好彩都仲有其他嘅蛋糕。雪糕應該係自家製嘅，飲品都有好多選擇。
如果10個讚滿分，我會俾佢7個讚
好， 首先食啲凍海鮮先，生蠔普普通通，較細隻，無肉地，好彩仲有少少鮮味。
長腳蟹就差啲，無味的
凍蝦都ok,肉質都爽
三文魚都新鮮有鮮味
跟住食佢啲熱盤， 蒜蓉蒸扇貝非常好味，有粉絲墊底，粉絲吸哂啲蒜蓉味，good。 扇貝 肉質鮮嫩，正。
另外牛仔骨都好味，佢燒到有少少焦，好香口。
南瓜湯可以唔飲，因為太淡太稀，冇乜南瓜味。反而佛跳牆就一定要試， 每盅都有隻鮑魚仔，花膠，竹笙， 好足料，味道清清地，我都飲左兩盅。
之後就食甜品，細細個嗰啲檸檬撻，焦糖 撻，好好味。 檸檬撻酸酸地，好開胃， 撻皮係脆嘅。 個Opera劇院蛋糕係甜品中最好味 ，朱古力味夠濃， 蛋糕鬆軟， 我就覺得好好喇。 個tiramisu 可以用難食嚟形容，一大pat cream完全無咖啡酒香味，好似唔知食緊咩味嘅蛋糕咁。
雪糕就唔知係咩牌子，可能係自家製嘅，嗰日就有栗子味，黑芝麻味， 芒果同紅桑子。 栗子味係完全係無栗子嗰隻味道，只有少少甜味，質感好似雪芭咁。而黑芝麻味入面有好多黑芝麻，不過唔知係咪炒燶咗，有少少苦，但雪糕都好香芝麻味，幾好食。另外嗰兩隻就無試喇，因為太飽啦。
呢個自助晚餐都幾抵食， 食物選擇多，款式都多，熱盤尤其ok，可以一試。
張貼
