波爾圖

營業中

休息中

黎澳門一大目的係食葡國菜，原本計劃食呢一間葡式餐廳，但未開又已經想食嘢。行行下竟然發現咗open rice排行第一嘅葡國餐廳，所以就拋低原定計劃，食呢間。結果... 喜出望外！ 叫咗葡式燴海鮮飯，望落去已經好足料，有大蝦、青口、蝦、魷魚、馬介休。每口都食到海鮮，$108都物超所值。用來燴飯嘅汁係蕃茄汁，材料有蕃茄、青椒、洋蔥、火腿粒，同埋芫茜。蕃茄汁酸酸地，好開胃，配以好淡芫茜味為更特別。飯好入味，可能因為汁好多，有d多到似湯。另外仲叫咗葡國菜數一數二嘅馬介休。餐廳對於馬介休都有不同煮法，例如焗、炸等等等。今次比牆上芝士焗馬介休酥皮嘅圖所吸引就叫咗。「芝士」、「酥皮」都多麼好聽、吸引嘅名詞呀。一客$98，有兩件，本身覺得少。佢一黎到，我就發覺錯了。兩球大大的。一切開就有少許拉絲效果，印象分大增。酥皮就好似個碗仔，上面有層馬介休，馬介休之上兜住薯球，最上係一層薄薄嘅芝士。材料好豐富，每層都好夾，調味剛剛好，口感又有薯球嘅綿綿，又有酥皮嘅香脆。酥皮食落唔會成口油，有幾層夠鬆化，大推。對於我黎講（第一次食馬介休），馬介休相對下一般。馬介休分量唔多，要單獨食個層先可以食得清楚d。馬介休魚嘅分量