拾8咖啡

營業中

休息中

黎到澳門玩，試左呢間有啲fusion嘅新派澳葡菜。首先試左佢地啲小食，有比較傳統嘅炸馬介休球，佢係熱辣辣好新鮮咁上，香脆可口。食落去個時覺得馬介休好似紅過調味而變得冇咁鹹，反而更帶出左薯味。小食另外仲叫左馬介休撻同埋沙甸魚撻。馬介休撻由類似酥皮咁嘅皮包住，入面充滿住由酸甜醬汁同馬介休混合成嘅汁，感覺味道提升左一個層次。而沙甸魚撻就香辣可口，配上撻呢個食法都幾特別 。到左主食部分，海鮮飯睇落已經好足料。而呢度嘅飯係煮到好多汁個種，配上應該係呢到自家製嘅辣椒油之後，濕潤但有咬勁嘅飯再加上辣度十足嘅油，非常惹味。最後到甜品，全部都好精美。尤其鍾意佢嘅木糠布甸，布甸整到好creamy，而且甜度適中，令人一試難忘。