澳門大利來記豬扒包 (已搬遷) 新店位置

唔食過豬扒包, 點算嚟過澳門呢…今趟澳門之行, 必到景點之一竟然係“大利來記餐廳”, 你班友仔吖, 果然為食 過人! 提一提大家先,〝大利來記餐廳”已經搬左去澳門氹仔告利雅施利華街35号, 旁邊係路氹歷史館。 聽朋友講, 豬扒包亦同時改早左係下午兩點出爐, 為求快人一歩, 我地即刻加快步程! 經過翻身裝修後既“大利來記”, 外觀明顯清新醒神 ! 我地一行八人, 等左三分鐘左右就有位了, 伙記哥哥仔安排我地上二樓坐, 二樓樓梯位當眼處漆上“大利來記”既生招牌, 還有Q版豬公仔 、汽水、大三巴等畫作, 其他牆身則鋪上綠色磁磚。點嘢食先……八個人叫左六個菠蘿豬扒包，一個豬扒包，一個多士, 八杯飲品。唔好誤會吖，唔係套餐，嘢飲要另計㗎！豬扒包就食得多，鹹甜共食，有菠蘿味既我就未試過lu……熱辣辣好大個包同大塊豬扒吖 ,  暫時顧唔到儀態住，一大啖咬落去……麵包酥軟，豬扒肉厚鬆軟唔死實，唔乾澀，仲有香茅味 呢！甜中帶鹹，菠蘿皮酥脆，簡直滋味無窮！唔使兩個字就俾我ko了 ……"大利來記"，你係得既！