影片
更多
2015-08-05
2192 瀏覽
是次3日2夜澳門之旅，食完晏，游完水，返酒店沖完涼後再出去到處揾食，本身住氹仔，搭車過新馬路，再行入福隆新街，約晚上8點，經過祥記，居然一個客人都無，即刻飛身入去，點了招牌蝦子撈麵($30)及金沙炸鯪魚球併炸雲呑($40)。招牌蝦子(應該係用籽，不過我跟餐牌)撈麵，因為無客關係，所以淥麵只係淥一個竹昇麵，如果平時多人，就會幾個麵餅一齊淥，就係咁會水準差啲，所以我通常會揀閒日下晝3至6、晚上11時後就無咁多人先去，今次應該水準不錯，竹昇麵鋪滿蝦子，可聞到鹹香，麵條煙韌彈牙，豬油令麵質更爽，美中不足是仍有少少鹼水味，但以$30而言，仲想點？金沙炸鯪魚球併炸雲呑，金沙：即係用米通包住鯪魚球一齊炸，令到食落口更香口、更有質感，米通夠鬆化，鯪魚球是足料但偏鹹，不過味道是不差的；炸雲呑，餡料比較少，但清楚可食到蝦肉同豬肉，驚喜是雲呑皮鬆化脆口，有少少似蛋散，不錯。進食期間，店內由我一人而變成9成爆滿，真係#人滿之患，蝦子撈麵當然是客人首選，亦見麵檔將幾個麵餅一齊淥後分開放上4-5碟上......而相信包括廚房炸物一樣，質素一定無咁好，所以見到無人.....要即入......
是次3日2夜澳門之旅，食完晏，游完水，返酒店沖完涼後再出去到處揾食，本身住氹仔，搭車過新馬路，再行入福隆新街，約晚上8點，經過祥記，居然一個客人都無，即刻飛身入去，點了招牌蝦子撈麵($30)及金沙炸鯪魚球併炸雲呑($40)。
招牌蝦子(應該係用籽，不過我跟餐牌)撈麵，因為無客關係，所以淥麵只係淥一個竹昇麵，如果平時多人，就會幾個麵餅一齊淥，就係咁會水準差啲，所以我通常會揀閒日下晝3至6、晚上11時後就無咁多人先去，今次應該水準不錯，竹昇麵鋪滿蝦子，可聞到鹹香，麵條煙韌彈牙，豬油令麵質更爽，美中不足是仍有少少鹼水味，但以$30而言，仲想點？
金沙炸鯪魚球併炸雲呑，金沙：即係用米通包住鯪魚球一齊炸，令到食落口更香口、更有質感，米通夠鬆化，鯪魚球是足料但偏鹹，不過味道是不差的；炸雲呑，餡料比較少，但清楚可食到蝦肉同豬肉，驚喜是雲呑皮鬆化脆口，有少少似蛋散，不錯。
進食期間，店內由我一人而變成9成爆滿，真係#人滿之患，蝦子撈麵當然是客人首選，亦見麵檔將幾個麵餅一齊淥後分開放上4-5碟上......而相信包括廚房炸物一樣，質素一定無咁好，所以見到無人.....要即入......
張貼
