大堂酒廊 (裝修中)

一大朝早去左澳門見客，10點中未夠就搞店，下午嘅約會時間又未夠。出面又甘大太陽，最好就坐喺d有冷氣嘅地方飲杯嘢慢慢等。Patisserie 位於Grand Hyatt 的大堂，地方舒適，有一般的小食，蛋糕，咖啡飲品。仲有報紙雜誌可以取閲，慢慢食個餅，飲杯嘢，享受下先。牛奶咖啡--樣子精美，上面層奶泡好多，溝埋咖啡飲，咖啡嘅味道唔算大濃，奶味相對較重，對我嚟講就岩岩好。即磨咖啡--比牛奶咖啡細杯小小，朋友說咖啡味不夠濃，奶係另上的，可以按自己的喜好加。呍呢嗱拿玻崙蛋糕--最上面嗰層係甜度好高的糖霜，下面係一層脆皮一層呍呢拿味嘅吉士忌廉，下層甜度不高，可能就是想用最上層的糖霜帶動甜味。但可能係雪過左夜，岩岩先攞番出嚟，蛋糕嘅邊邊有小小水氣，而且脆皮都不脆，整體味道嚟講一般。食物，飲品嚟講質素中規中矩，比較享受嘅都係拒舒適的環境同服務，有時間都可以過來享受一下。