百家昌涼茶

營業中

休息中

嚟到十月初五街附近食完牛雜，有啲口渴，但係呢度搵七仔有啲難度，不過有好多嘢飲仲正過七仔，只要你肯試！行過少少有間百家昌，呢間涼茶舖都幾舊式，燈光昏暗，賣嘅都係一般涼茶，不過我唔係要介紹佢嘅涼茶，而係要推介佢嘅曼球果膏！呢度嘅曼球果膏係採集曼球果等多種藥果經提煉而成嘅健康中藥食品，據老板講其功能可以清熱氣、袪濕毒、利黃尿、清穢濁、濾腎臟、健脾胃！呢個膏質感幾軟，唔係好挺身，有啲似透明嘅涼粉，又有啲似啫喱！味道完全唔會有好難頂嘅藥味，帶淡淡嘅甜味，又清涼又解渴，估唔到涼茶舖都有咁正嘅甜品，清熱氣亦唔一定要捱苦！買嘅時候問阿叔呢啲係乜，佢笑笑口答你之餘，仲賣吓廣告，有趣！