六記粥麵

營業中

休息中

今次同女朋友黎澳門慶祝生日，兩日一夜，終於可以再食到<<六記粥麵>>了。呢度其實比較難去，大家可以坐的士直接到。而我就坐十六蒲的穿梭巴士，再一直向沙梨頭方向行約十分鐘到仁慕巷這條橫街就會見到。<<六記>>而家約有三個鋪位，其中一間有上下層。今次坐的是中間的地鋪，兩個人位原本要搭枱，不過見後來座位有鬆動，所以要求調位，店員都好主動幫我地。呢度沒有華麗裝潢，但有懷舊的味道。今天點了兩款食物，先來的是中SIZE的水蟹粥，餐牌上寫是2-4人用，本人就覺得4-6人都夠。一鍋有兩隻水蟹，所以令到粥水入口十分鮮，而本身粥也十分綿，廚子是煲完即上，所以十分滾及熱，食到興恰恰，好正。然後來的是<<炸鴛鴦>>，分別是米通鯪魚球及炸雲吞。炸雲吞中間有餡的部分不多，兩面的口感炸得吃落口有一種很粉的感覺，不太推薦。而鯪魚球圓圓的又飽滿，魚球的味道不會像平常吃的這麼濃味，淡淡的，外面佈滿米通，內裡有菜粒，熱熱的，入口彈牙又多肉，加上米通脆脆的，口感相對不錯。配上蜆芥醬，令鯪魚球的味到更有層次，這個十分推介。