澳門大利來記豬扒包 (已搬遷) 新店位置

見最近大利來記既食評麻麻. 今次可以幫佢平反一下!!記得細個大利未出名時, 要買個豬扒包食真係輕鬆容易得多, 但佢出名後, 已經唔可以順道經過買個豬扒包食下了...對上一次食, 已經係好多年前. 早一年左右, 有機會黎食, 可惜過左出爐時間, 只得豬扒麵. 老實講句, 大利真係只有豬扒包好食!一行五人, 四大一小, 大家都唔太肚餓, 只是為求可以俾男友仔從外地黎的朋友仔試下出名的豬扒包而已! 好在, 我地黎到只係四點鐘, 仍然可以買到豬扒包, 但都要排一陣隊呢!!呢度好得意, 只係豬扒包要排隊買, 其餘食品/飲品, 都係叫伙計落單送上的!男友仔買左豬扒包返黎, 仲係非常辣手, 根本拎都拎唔到, 莫講話食啦. 不過, 最好食既麵包莫過於新鮮出爐呢!! 我地都冒住辣親咀既危險大啖咬, 果然咁多年水準依舊, 麵包皮脆肉軟, 炭爐烤既麵包可能係特別好食! 成個包熱辣辣, 裡面既豬扒大大塊, 有一隻手掌咁大呢! 豬扒林得黎鬆化, 旁邊有骨, (豬扒有骨先好食呢) 雖然豬扒同麵包比例有點奇怪, 但成個包食晒又唔覺得豬扒太大塊, 反而岩岩好!最後配上一支冰凍可樂, 好滿足喔!!!不過都係奉勸大家除左