影片
更多
2011-10-04
74 瀏覽
大利來在大三巴開了分店，未見新鋪資料，放了在舊鋪同大家分享一下先﹗話說國慶o個日我地一行六人去左澳門，做左件傻事，要同大家分享一o下﹗第一件傻事係行左去大三巴，九千幾人在迫，比彌敦道有過之而無不及﹗再一件傻事就係我地見到有個哥哥拎住個牌寫住大利來記豬扒包﹗一場來到澳門點都要整番個豬扒包吧，於是跟佢指示上大三巴﹗殺上大三巴牌坊，人潮於鯽，行上去仲難過Sogo過馬路﹗你推我擠的衝上去，上到去好似打完仗咁成身濕哂﹗嗱嗱嗱，就在大三巴牌坊前的，大利來記豬扒包﹗大利來在澳門有幾出名唔洗講吧，每天氹仔那邊的露天茶檔都濟滿了排隊等吃的遊客，我要強調是「遊客」因為本本旅遊書也有介紹﹗本地人或已吃過的十之八九都不會再去，因為真的不外如是，記得兩三年前同食家試過次後已沒有再去了﹗友人話試試，就一人買一個啦﹗$22一個，佢真係好好賺﹗食家點了辣魚包﹗佢話到明係即叫即做，等左三分鐘左右就有得食喇﹗包完全不熱的，拿上手已唔多對路，焗都無焗過﹗一啖咬落去，一行六人都打左個突，包唔熱唔在講，仲要係又硬又韌的，完全不鬆化，很明顯出爐已放置很久，唔係隔夜架嘛？﹗豬扒方面，大小唔同佢計，塊豬扒一味死鹹雪藏貨，好老實我去街
話說國慶o個日我地一行六人去左澳門，做左件傻事，要同大家分享一o下﹗
第一件傻事係行左去大三巴，九千幾人在迫，比彌敦道有過之而無不及﹗再一件傻事就係我地見到有個哥哥拎住個牌寫住大利來記豬扒包﹗一場來到澳門點都要整番個豬扒包吧，於是跟佢指示上大三巴﹗
殺上大三巴牌坊，人潮於鯽，行上去仲難過Sogo過馬路﹗你推我擠的衝上去，上到去好似打完仗咁成身濕哂﹗
嗱嗱嗱，就在大三巴牌坊前的，大利來記豬扒包﹗
大利來在澳門有幾出名唔洗講吧，每天氹仔那邊的露天茶檔都濟滿了排隊等吃的遊客，我要強調是「遊客」因為本本旅遊書也有介紹﹗本地人或已吃過的十之八九都不會再去，因為真的不外如是，記得兩三年前同食家試過次後已沒有再去了﹗
友人話試試，就一人買一個啦﹗$22一個，佢真係好好賺﹗食家點了辣魚包﹗
佢話到明係即叫即做，等左三分鐘左右就有得食喇﹗包完全不熱的，拿上手已唔多對路，焗都無焗過﹗
一啖咬落去，一行六人都打左個突，包唔熱唔在講，仲要係又硬又韌的，完全不鬆化，很明顯出爐已放置很久，唔係隔夜架嘛？﹗豬扒方面，大小唔同佢計，塊豬扒一味死鹹雪藏貨，好老實我去街市買個燒烤包入面件豬扒都一定比佢好食﹗
咁既貨仔加包陽光檸檬茶夠膽死收人$30，真係xxxxxx﹗有冇搞x錯﹗
食家的辣魚包，包又係同豬扒包一樣唔熱，辣魚加入左洋蔥及咖哩，反而有o的咖哩味，但係由於個包真係太失色，食家一路吃一路鬧﹗最後食左半個掉了﹗聽聞這店已開進威尼斯人，仲要天天自由行遊客排哂隊等半小時先有得食﹗真係god bless u!!
上OR網見人人在鬧，我暗罵自己都係笨人一個，上當多一次，我想這必會是人生的最後一次﹗
張貼
