雅舍餐廳

營業中

休息中

五星級酒店入面嘅餐廳，服務果然一流！亦都有介紹餐牌菜式，唔食嘅嘢仲可以同侍應講，佢地會安排。好！今日就試咗個lunch set，味道同視覺都有驚喜。前菜：揀咗煙薰鱒魚，第一次咁樣食鱒魚，配合唔好醬汁同醃瓜，每口都有唔同味道，入面仲有魚子，係個開胃前菜。主菜：又係揀咗魚，鯛魚油香重，魚皮煎到好香，簡單少少鹽調味都已經好好食，唔錯！甜品：dark chocolate 真係好好味，平時我麻麻地慕絲，因為好膩好甜，但呢個唔會，而且個塊焦糖杏仁脆脆好食，只係另外一舊牛奶慕絲就唔太啱我口味。Overall，呢個set都係好味同好presentable，有機會會再嚟。