公雞葡國餐廳

營業中

休息中

新年假期到澳門一日遊, 夜晚諗住食番餐好的萄國菜, 就諗住近近地去哩間公雞食晚飯。雖然店內裝修好似好有萄國特色，但哩間餐廳二樓的侍應服務態度超差，兩個侍應都白鴿眼，落落下單走左去，野食都未叫完，唔好意思都無講一聲就走左去，隔左一陣先返來再落ORDER。我地叫咗個蒜蓉牛扒、豬手炒飯、魚柳炒飯、唔知咩煲雞，除左豬手炒飯外，其他食落去凍兼無味，份量超少，個牛扒好似石頭咁硬。豬手炒飯等左半個鐘先來，其間問侍應點解咁耐，但得到一個等於無答的答案。上牛扒果陣仲上少咗炸薯條，又要等成十五分鐘，因趕船諗住打包個薯條上船食，點知果侍應話，D薯條好少JAH BOR，嘩，BEAR一聲，我心諗你地自己上少左薯條仲唔俾人打包，態度仲咁差。一間服務態度咁差的餐廳，食龍肉都無味ＬＡ，更何況食物沒有水準沒有特色，佢個價錢簡直唔值，去茶餐廳都好過佢，食一次都嫌多。