影片
更多
2016-11-29
12868 瀏覽
今日係屈小姐生日正日⋯呢個咁特別既日子，賴生梗係要特別幫佢慶祝啦！賴生早係一個月前已經訂好位，仲偷偷地落左request要寫生日快樂！比個驚喜比屈小姐（等你成日咁古惑比驚喜賴生丫啦希望今次唔會又比偵探屈小姐發現啦）一尼到~ 間餐廳好大！有成三層！成座黃色既葡式別墅咁，所以都好易搵易認！入去坐就傳統西餐格局啦，白枱布配木餐椅！環境都ok既！今次我地就坐3樓！既然係屈小姐生日，當然佢想叫咩就叫咩啦！我地叫左馬介休薯球、檸檬炒蜆，非洲雞同焗鴨飯4樣野，不過餐廳係冇免費茶水提供既，我地就叫左支叫Luso既礦泉水，一支要40蚊嫁（1L)! 叫左野食之後，店員就送上一人一個熱辣辣既餐包 （似細既脆豬仔包）講下d野食先⋯1）餐包 （3星）- 個包真係岩岩焗熱比你既- 好脆！但外皮略微有點太硬，入面就好鬆軟既- 如果就咁塗牛油食⋯就冇乜味，但點非洲雞個醬食就超正！<--賴生與屈小姐自創食法（點非洲雞醬版 5星）2）Luso 礦泉水 （5星）- 本來覺得一枝水咁貴好唔抵~ 點知~ 支水好滑，入口一流！好解渴！- 重點係呢間餐廳野食較濃味，所以飲呢支水就唔錯啦！可以隔一隔，用黎試真d每樣野既味道-
一尼到~ 間餐廳好大！有成三層！成座黃色既葡式別墅咁，所以都好易搵易認！入去坐就傳統西餐格局啦，白枱布配木餐椅！環境都ok既！今次我地就坐3樓！
既然係屈小姐生日，當然佢想叫咩就叫咩啦！我地叫左馬介休薯球、檸檬炒蜆，非洲雞同焗鴨飯4樣野，不過餐廳係冇免費茶水提供既，我地就叫左支叫Luso既礦泉水，一支要40蚊嫁（1L)! 叫左野食之後，店員就送上一人一個熱辣辣既餐包 （似細既脆豬仔包）
講下d野食先⋯
1）餐包 （3星）
- 個包真係岩岩焗熱比你既
- 好脆！但外皮略微有點太硬，入面就好鬆軟既
- 如果就咁塗牛油食⋯就冇乜味，但點非洲雞個醬食就超正！<--賴生與屈小姐自創食法（點非洲雞醬版 5星）
2）Luso 礦泉水 （5星）
- 本來覺得一枝水咁貴好唔抵~ 點知~ 支水好滑，入口一流！好解渴！
- 重點係呢間餐廳野食較濃味，所以飲呢支水就唔錯啦！可以隔一隔，用黎試真d每樣野既味道
- 註: 佢有分大水同細水，細果枝平啲啲，但真係得一杯多少少，建議想飲水都係叫大枝抵啲
3） 馬介休薯球 （5星）
- 1碟有4粒，size就似中式點心咸水角咁大
- 入面爆多餡！一切開係見到馬介休拉絲！薯球就勁Creamy勁smooth!
- 放入口係食得到馬介休既咸魚味！但又唔會遮左薯仔既甜味！正連屈小姐都從此對馬介休薯球改觀 (事關屈小姐之前係其他「出名」葡國餐廳食過，係整得好難食架)
4） 檸檬炒蜆 （4.5星）
- 又係果句⋯劇大碟！起碼有斤幾蜆！你仲會見到好多檸檬同蕃茜！好足料
- 個汁酸酸甜甜！有蜆既鮮甜+白酒既甜，配埋大量檸檬同蕃茜特別既香味！個汁超refreshing，令人忍唔住不停食
- 蜆好肥好大粒！都好鮮甜⋯唯一美中不足係有少少砂不過唔多，無太大影響
- 當你將4-5隻蜆放滿隻匙更，再一啖放入口，真係超滿足！！！ (仲要有賴生拆肉摩打手，屈小姐極嘆！)
5）非洲雞 （4.5星）
- 好惹味！蕃茄肉醬帶少少辣既！辣既程度似譚仔小辣！撈飯點包同佢配既薯仔一流
- 有半隻雞加半個焗薯！份量幾好！
- 焗薯呢！焗得好脆口好重薯味！好正！
- 雞就不得了啦，D雞肉有齊哂滑既位，實淨得尼少少鞋既位，同淋既位！仲要外皮都好滑！焗到冇乜脂肪！有雞味！正！而且好易切到骨肉分離！
- 唯一扣分位係食既時候要非常小心，因為好多碎骨，仲介損左屈小姐個口少少
6）焗鴨飯 （3.5星）
- 份量係可以裝到4碗飯
- 焗得有d乾
- 入面好多葡國腸粒同超多鴨肉絲係底！好足料！
- 面又有煙肉同葡國腸
- 個飯焗到入晒鴨味嫁！都唔差既！
- 係賴生杯茶 (屈小姐就拎尼撈非洲雞個醬食不過會遮哂個飯本身既味同偏咸)
好啦⋯⋯食飽飽之後！重點黎啦⋯⋯！賴生同屈小姐講飲左咁多水，你去個washroom先啦⋯⋯一陣仲有排行先番到酒店！咁屈小姐就好乖乖咁去左啦！趁呢個空檔，賴生就問個預先order左既甜品-葡式朱古力布甸得未！個女服務生一早幫我留意住我地食野既節奏，預番時間上嫁啦，佢話等多一陣就ok!
等到屈小姐去完washroom番黎，過左2分鐘左右！突然間⋯成間餐廳熄晒燈，播生日歌，屈小姐面帶驚訝同懷疑咁問賴生係咪佢嫁？賴生係呢個時候就選擇番做自己⋯扮傻仔呃佢！等個插左蠟燭既朱古力布甸黎到屈小姐面前，賴生最期待既畫面出現左啦！屈小姐終於被賴生Surprise到啦！！！ 表現出shy shy樣啦！！佢又開心又驚喜又怕醜個樣真係好靚好可愛！(<-- 賴生最中意整到屈小姐shy shy樣) 另外好多謝其他客人配合唱生日歌（特別隔離枱個女仔）
等屈小姐許完願，吹完蠟燭就開動食甜品啦！
7） 葡式朱古力布甸 （4星）
- 朱古力味偏甜⋯同埋有酒味，都幾易入口幾特別
- 好滑
- 寫生日快樂，熄燈播埋歌都只係另加35蚊！賴生覺得可以比到驚喜屈小姐~好抵呀
食完之後，屈小姐話本來仲諗緊食咩甜品好，原來賴生已經一早安排左 果然一餐完滿既Dinner係要有甜品作結架！
#生日快樂
#終於到賴生威番次
#到我比驚喜妳yeah!
#其實詐蠢全爲妳付出的機智
#要共最美的人分享每個夜晚
#最難忘的生日
#Really Surprised
#多謝賴生為屈小姐既精心準備<3
餐包
66 瀏覽
0 讚好
0 留言
Luso 礦泉水 1L
$40
161 瀏覽
0 讚好
0 留言
馬介休薯球
$68
114 瀏覽
0 讚好
0 留言
檸檬炒蜆
$148
165 瀏覽
0 讚好
0 留言
非洲雞
$188
187 瀏覽
0 讚好
0 留言
焗鴨飯
$208
177 瀏覽
0 讚好
0 留言
葡式朱古力布甸（生日版）
$85
217 瀏覽
1 讚好
0 留言
張貼
