祐記龍鬚糖 (已結業)

想食好耐又一直就唔岩時間，「龍鬚糖」我的童年甜品，細個經過紅街市門口必定拉住屋企人買一盒。印象記得上次買幾盒仲係紙盒綁橡筋，今次買已經轉左新包裝，未開封前更密實，一盒變成六件，雖然眼見推出多款新口味，始終鍾情於原味，可以放常溫，但一如既往我更鐘意雪凍後食🥰！.另外瘋堂斜巷分店甚至推出左龍鬚糖雪糕，呢款榴槤龍鬚糖雪糕係夏季限定，每日限量供應。熟悉的龍鬚糖口感，裡面香濃榴槤雪糕，唔錯的體驗。.建議大家買前，可inbox或打電話問下先。雪糕易融關係，店員建議即時食，除非好似我咁近衝番屋企。.原味龍鬚糖 ($28)榴槤雪糕龍鬚糖 ($40/2粒）