安東尼

營業中

休息中

到澳門一遊慶祝生日，上網找找好野食，見到呢間餐廳的評價及食物賣相都不俗，決定一試! 電話預約後，就依地圖指示搵啦! 餐廳位置唔算難搵，在路氹歷史館 及 廟附近，不過門面只用其中一個相框顯示餐廳名稱，好易行過都無為意，好在一早望左其他食家upload 的店舖門面相才留意得到呢! 未夠鐘 (6:00開始晚巿) 在店外望，原來此店是米芝蓮2009-11入選的星級食店，未食已經很期待! 訂了位夠鐘就可以入座，一到6點即刻好多人同我一樣預先訂位立刻入座。中途有一行四人無訂位，店員問左可否8點半前走，因有客人訂位，結果他們都可入座食飯，看來到這間餐廳真是預早頂位最穩陣。一入到去，環境好有格調，枱頭有鮮花，仲點埋candle，氣氛幾浪漫，餐具都幾靚。老公讚我揀地方揀得好，呵呵~之前見網友評價該店的員工好有性格，我今次又唔係咁喎，員工服務好好，好有禮貌，有個女待應笑容好親切，而且好肯介紹店舖的食品，之後仲問我地對食物有咩意見，服務唔錯呢! 經女待應介紹下，前菜黎個炒硯(Sauteed Clams with Garlic )--好好味，好鮮甜，好大隻，我同老公食得好滋味，只係其中一隻食到有沙，都可接受。