影片
更多
2017-08-21
4224 瀏覽
去澳門之前做足功課，一定要搵一餐豪食自助餐，自感叔中午比晚上胃口更佳，而且食飽可以有一日行程慢慢消化，行程又剛好星期日，就決定book 呢度法式sunday brunch，經openrice 訂座系統訂位非常方便，即時可以confirm booking, 之前個日有酒店員工打電話黎confirm有無改動。準時1130到達餐廳，叔一向不沾酒，498包果汁就啱哂。11歲小朋友最抵，188蚊!海鮮區域有法國生蠔，青口，大蝦，蜆。生蠔size 不大，但味道好鮮甜，好有海洋嘅味道，師傅即開速度超快，雖然人流眾多，但等幾秒就可以攞到即開生蠔! 叔就食左超過一打! 其他凍海鮮味道一般，淡而無味，比較失望。cool cut 有 salami，parma ham, smoked salmon,豬腰肉，味道唔錯，特別是parma ham, 好香,唔太咸，可惜出左幾十分鐘就唔再refill, 如果要試記得一早攞多d。旁邊有法包同醬汁。鹽焗三文魚，肉質半熟而肥美，帶微咸，非常好食，叔就吃了三轉。忙碌嘅小廚師負責開蠔，切牛柳同羊架，忙得不可開交，每碟都細心擺設，配上醬汁同配料。香草焗牛柳，肉質非常嫩滑，焗牛肉
準時1130到達餐廳，叔一向不沾酒，498包果汁就啱哂。11歲小朋友最抵，188蚊!
海鮮區域有法國生蠔，青口，大蝦，蜆。生蠔size 不大，但味道好鮮甜，好有海洋嘅味道，師傅即開速度超快，雖然人流眾多，但等幾秒就可以攞到即開生蠔! 叔就食左超過一打! 其他凍海鮮味道一般，淡而無味，比較失望。
cool cut 有 salami，parma ham, smoked salmon,豬腰肉，味道唔錯，特別是parma ham, 好香,唔太咸，可惜出左幾十分鐘就唔再refill, 如果要試記得一早攞多d。旁邊有法包同醬汁。
鹽焗三文魚，肉質半熟而肥美，帶微咸，非常好食，叔就吃了三轉。
忙碌嘅小廚師負責開蠔，切牛柳同羊架，忙得不可開交，每碟都細心擺設，配上醬汁同配料。
香草焗牛柳，肉質非常嫩滑，焗牛肉都可以做到入口即溶，大廚技術高超! 配燒汁，忌廉薯蓉同炒磨菇，完整嘅一份mini main course!
第三款main course 係烤羊架，同樣出色，五成熟，透粉紅嘅羊肉非常juicy, 唔羶但保留羊肉嘅鮮味，非常正!
另一個主角烤龍蝦，其實好想影一次有龍蝦嘅相，不過龍蝦補貨極慢，一次出得8-10件，會比附近幾枱客一次攞哂，所以個盤長期都係吉嘅。約十五分鐘補一次，想食就企定定排隊啦…
係出面等左10分鐘終於比我攞到了，龍蝦肉好鮮甜，加忌廉汁更惹味，尾段有客人投訴攞唔到龍蝦，驚動法國大廚炮製大量烤龍蝦親自派發，店員每枱安撫客人，指會有充足龍蝦供應，可以稍後去攞。雖然係有不足之處，但樂見餐廳願意耹聽意見，有誠意補飛。
法式甜品真係難以抗拒，一長桌嘅甜品令叔都花多眼亂，特別好食係合桃撻，貝殼蛋糕，朱古力慕絲杯。
最後自費追加一杯馳名嘅熱朱古力，味道真係好香滑，帶少少酒香味，加鮮忌廉，食飽後慢嘆一杯熱朱古力真係一大享受。
食飽又可以去玩番轉老虎機發個小橫財夢了。
張貼
