影片
更多
2008-10-22
35 瀏覽
去過法蘭度好幾次, 對食物既印象唔算太深刻, 唯一最記得既就係每次都要排長龍或者晨咁早黎到等"出閘"...... 所以今次, 當有朋友提議去法蘭度既時候, 我第一個反應就係: "要等好耐架.... " 於是, 將其降為次選, 奈何只怪首選既亞馬交唔爭氣, 五點半過後長期接唔通電話, 於是即是轉為 Plan B, 一行六人即時坐的士往法蘭度進發~ 該晚幸好唔算太多人, 等大約三十分鐘就有位, 亦幸好天氣尚算涼爽, 無論係室外既等位區, 抑或室內既進餐區, 都唔算太熱...... 是日分別叫左以下食品: 麵包 - 新鮮出爐, 熱辣香脆, 絕對吸引到你食晒成個, 但係食晒成個就會飽左一半, 建議大家 (尤其是包怪) 唔好食晒成個... 青菜湯 - 青菜 + 煙肉 + 薯仔既配搭, 感覺幾清新 雜菜湯 - 冇左薯仔既雜菜湯, 不過不失 燒葡國腸 - 一致認為味道太鹹, 但據聞葡國腸應該是偏鹹的... 燒乳豬 - 一致認為是該晚最佳菜式, 脆皮燒得恰到好處, 底層的肥膏不太厚, 咬下去融入瘦肉當中, 配合得天衣無蓬 燒雞 - 雞皮亦是燒得恰到好處, 醃料亦做得十分出色 燒牛扒 - 較為遜
所以今次, 當有朋友提議去法蘭度既時候, 我第一個反應就係: "要等好耐架.... " 於是, 將其降為次選, 奈何只怪首選既亞馬交唔爭氣, 五點半過後長期接唔通電話, 於是即是轉為 Plan B, 一行六人即時坐的士往法蘭度進發~
該晚幸好唔算太多人, 等大約三十分鐘就有位, 亦幸好天氣尚算涼爽, 無論係室外既等位區, 抑或室內既進餐區, 都唔算太熱......
是日分別叫左以下食品:
麵包 - 新鮮出爐, 熱辣香脆, 絕對吸引到你食晒成個, 但係食晒成個就會飽左一半, 建議大家 (尤其是包怪) 唔好食晒成個...
青菜湯 - 青菜 + 煙肉 + 薯仔既配搭, 感覺幾清新
雜菜湯 - 冇左薯仔既雜菜湯, 不過不失
燒葡國腸 - 一致認為味道太鹹, 但據聞葡國腸應該是偏鹹的...
燒乳豬 - 一致認為是該晚最佳菜式, 脆皮燒得恰到好處, 底層的肥膏不太厚, 咬下去融入瘦肉當中, 配合得天衣無蓬
燒雞 - 雞皮亦是燒得恰到好處, 醃料亦做得十分出色
燒牛扒 - 較為遜色之作, 牛味欠奉, 碟上遺留大量油, 非常肥膩
燒排骨 - 另一出色之作, 亦是燒至脆皮的程度, 不油膩, 卻非常惹味
薯條 - 質素非常參差, 每批跟主菜上的都不同, 有些炸得香脆入味, 有些卻好像沒有炸過, 只係用油浸過下, 好淋....
馬介休炒飯 - 非常大件頭, 用料甚多, 包括馬介休﹑葡國腸﹑煙肉﹑洋蔥﹑青椒﹑雞蛋等, 因為太好味既原故, 我地個個覺得飽都繼續食, 最後清晒~
總括黎講, 呢度既葡式燒烤非常出色, 原來一直對呢間餐廳既食物無乜印象既我, 係因為以前從來冇叫過燒乳豬呢道名菜, 除了牛扒比較遜色外, 其餘食品都屬中上水平, 絕對值得推介~
張貼
