兄弟煲

營業中

休息中

今次過嚟澳門除左食葡國菜之外，男朋友好有心機搵左呢間打邊爐再加有海鮮食嘅餐廳。佢一早透過微信訂位同預留海鮮，不過最後都係冇花龍刺身食，有啲可惜，不過店員極力推薦另一款西澳龍蝦，於是就試一試佢，第一次食龍蝦刺身又估唔到幾鮮味，龍蝦頭都唔可以浪費，可以揀椒鹽炸/煲粥，而今次我地揀左椒鹽，好野味同埋都仲有好多肉食，讚！！另外仲叫左個椒鹽粟米食，不過相對就失色左少少。海鮮我地仲預留左大大隻嘅賴尿蝦，98蚊隻都好好食，啖啖肉，店員仲會幫手拆殼，好細心！！！！當然嚟得火鍋店，我地都叫左個豬骨煲，裡面嘅豬骨好大舊同埋份量都十足，胡椒味好重，不過見到隔離枱食花膠雞好似仲吸引咁，下次會再試試。