九記冰室 (已結業)

下午茶時段，走左去議事亭前地側邊斜路上的九記冰室食個甜品消消暑！都有差不多十年無幫襯。今次再來，發覺物價又係貴左好多。以前食杯裝三球雪糕只係十零蚊，而家要 20 蚊，冰類亦閒閒地 20 蚊，店舖仲要標示每位最低消費 10 蚊，感覺其實唔係太好。我食雪糕涼粉（19蚊），涼粉分量極為迷你，唔太冰凍，雪糕味道亦無得選擇，真係唔多值；朋友明明叫紅豆涼粉，結果來左紅豆涼粉新地，無端端要佢焗食多一球雪糕，涼粉的分量比我的大少少，當然價錢亦貴多Ｄ（26 蚊）。埋單合共 46 蚊，價錢唔貴，但食物唔多值！下次應該又唔會再幫襯啦！