影片
更多
2019-12-11
6070 瀏覽
12月2日星期一，喺冇訂位情況下1:00左右上去，睇吓可唔可以喺度食晏。去到等咗一陣，待應小姐就安排入座。可能因為平日關係，見入席率唔高，我同大佬2個人安排咗喺第一間房嘅窗邊位置，當時房內得一枱客，不過冇幾耐間房都只剩低我哋，好似包房咁，成餐飯都喺好舒服，好寧靜同放鬆嘅心情享用。經過待應小姐一輪介紹之後，就送上餐前汽酒同麵包，麵包配上橄欖油浸住啲橄欖蓉，令香軟暖暖嘅餐包味道更佳。是日我哋點咗：八爪魚沙律 - 主角八爪魚粒軟糯，重重海鮮味，配上大量蒜粒、洋蔥粒、青椒紅椒、黑橄欖同香草混入香味濃郁嘅橄欖油，真係食唔停口。迷你沙丁魚 - 一層薄薄嘅脆漿，好香脆，魚成條冇劏過，一啖咬落去魚汁爆出嚟，魚頭都可以食埋，不但冇苦澀味同腥味，仲有好香濃嘅新鮮魚味，一碟5小條，送酒一流。海鮮燴飯 - 瓷砵裡面裝滿濃濃稠稠嘅海鮮湯，短短圓圓嘅飯粒，每一啖都爆發住海鮮嘅味道，食落似好香濃嘅龍蝦湯味。軟淋得嚟煙韌嘅魷魚，食到魷魚香甜，青口size唔細，但係食落一啲都唔韌，真正青口味十足。仲有彈牙鮮甜嘅大蝦同蜆，海鮮絕不欺場。Red Sangria 1 Jar 清香生果混紅酒嘅一流配搭。而且待應小姐唔會成日不斷
去到等咗一陣，待應小姐就安排入座。
可能因為平日關係，見入席率唔高，我同大佬2個人安排咗喺第一間房嘅窗邊位置，當時房內得一枱客，不過冇幾耐間房都只剩低我哋，好似包房咁，成餐飯都喺好舒服，好寧靜同放鬆嘅心情享用。
經過待應小姐一輪介紹之後，就送上餐前汽酒同麵包，麵包配上橄欖油浸住啲橄欖蓉，令香軟暖暖嘅餐包味道更佳。
是日我哋點咗：
八爪魚沙律 - 主角八爪魚粒軟糯，重重海鮮味，配上大量蒜粒、洋蔥粒、青椒紅椒、黑橄欖同香草混入香味濃郁嘅橄欖油，真係食唔停口。
迷你沙丁魚 - 一層薄薄嘅脆漿，好香脆，魚成條冇劏過，一啖咬落去魚汁爆出嚟，魚頭都可以食埋，不但冇苦澀味同腥味，仲有好香濃嘅新鮮魚味，一碟5小條，送酒一流。
海鮮燴飯 - 瓷砵裡面裝滿濃濃稠稠嘅海鮮湯，短短圓圓嘅飯粒，每一啖都爆發住海鮮嘅味道，食落似好香濃嘅龍蝦湯味。軟淋得嚟煙韌嘅魷魚，食到魷魚香甜，青口size唔細，但係食落一啲都唔韌，真正青口味十足。仲有彈牙鮮甜嘅大蝦同蜆，海鮮絕不欺場。
Red Sangria 1 Jar 清香生果混紅酒嘅一流配搭。而且待應小姐唔會成日不斷添酒，服務尚算貼心。
成餐飯慢慢享受，服務唔會過於殷勤，一邊食一邊望住窗外環境，好寧靜，食物又非常美味。呢一刻真正係忘記晒所有煩囂！
餐前麵包
178 瀏覽
0 讚好
0 留言
餐前汽酒
154 瀏覽
0 讚好
0 留言
八爪魚沙律
162 瀏覽
0 讚好
0 留言
迷你沙丁魚
133 瀏覽
0 讚好
0 留言
海鮮燴飯
189 瀏覽
0 讚好
0 留言
Sangria
130 瀏覽
0 讚好
0 留言
張貼
