潘榮記 (已結業)

3月20日, 行到去大三巴遊客區, 當然唔少得買番d小食同手信! 但其實澳門除咗d大牌連鎖手信鳳凰卷、香蕉糕、肉乾、花生糖之外, 我地都唔可以忘記好似潘榮記伯伯賣嘅手功新鮮熱辣金錢餅!!::: 減蛋金錢餅 ::: $60/磅 (零售每袋$10)一路以為有分正常同埋減蛋兩種金錢餅, 但原來而家只有減蛋, 無正常版的! 只見大叔快手快腳地將一次過將幾粒粉團放上鐵板壓平烘熟, 新鮮出爐嘅金錢餅夠晒熱辣辣! 蛋味濃之餘仲食到蛋黃沙沙嘅口感~ 絕對唔係機器可以做到嘅味道!! 不過記得唔可以心急一出爐就放入口~ 因為剛出爐嘅金錢餅仲未硬得晒, 食落會較淋, 反而打開袋口等佢攤凍d先開始脆身呢!次次經過都大排長龍, 賣到4、5點就收舖~ 所以真係有買趁早! 不過今日去到發現舖頭多咗兩台爐頭幫手密密烘~ 所以其實出貨都快咗好多! 買咗一大包返香港食咗幾日都仲好脆~ 呢個土炮handmade手信真係無得彈!!