影片
更多
2011-05-24
2585 瀏覽
3月19日, 行到差唔多6點半, 又係時候去食晚飯~ 友人一早book咗呢間新益, 佢地食過話好食之外, 仲話佢地嘅菜色好有新意, 極力推介~ 事前都有睇過佢嘅介紹, 原來佢地嘅老細肥仔俠好出名, 有電視節目介紹過, d菜色名叫仲改到鬼五馬六, 所以我地都抱有期望~ 不過地點唔係喺市中心, 要搵有一定難度, 所以我地都係搭的士去.::: 鹽焗桑拿蝦 ::: $1xx呢一個桑拿蝦來頭應該不少, 喺餐牌上係見唔到呢一道菜, 所以我地都唔知價錢~ 由於d蝦要預先灌醉, 友人又係喺book枱嘅時候已經預訂埋, 我地嚟到已經見到呢一盤生蝦享受緊酒精浴~ 一打開煲蓋有超濃烈嘅酒味, 聞落似花雕~ 喺煲裏面仲有好大堆粗鹽, 應該係再調味用~ 當然唔係就咁生食啦, 烹調嘅責任就落喺肥仔俠度, 嘩有老細親自出馬! 肥仔俠先攞一個大湯煲, 裏面係燒到火紅嘅石頭, 打開煲蓋將所有蝦呀酒呀, 鹽呀倒晒入去~ 再蓋番, 肥仔俠老細話要係咁焗住d蝦, 咁樣先可以吸收晒揮發咗嘅酒精, 火紅嘅石頭再將蝦慶熟~講完烹調過程, d蝦大約焗十分鐘就可以食~ 份量唔少, 都有20隻, 隻隻都超熱~ 蝦頭好大, 但係就冇乜膏,
::: 鹽焗桑拿蝦 ::: $1xx
呢一個桑拿蝦來頭應該不少, 喺餐牌上係見唔到呢一道菜, 所以我地都唔知價錢~ 由於d蝦要預先灌醉, 友人又係喺book枱嘅時候已經預訂埋, 我地嚟到已經見到呢一盤生蝦享受緊酒精浴~ 一打開煲蓋有超濃烈嘅酒味, 聞落似花雕~ 喺煲裏面仲有好大堆粗鹽, 應該係再調味用~ 當然唔係就咁生食啦, 烹調嘅責任就落喺肥仔俠度, 嘩有老細親自出馬! 肥仔俠先攞一個大湯煲, 裏面係燒到火紅嘅石頭, 打開煲蓋將所有蝦呀酒呀, 鹽呀倒晒入去~ 再蓋番, 肥仔俠老細話要係咁焗住d蝦, 咁樣先可以吸收晒揮發咗嘅酒精, 火紅嘅石頭再將蝦慶熟~
講完烹調過程, d蝦大約焗十分鐘就可以食~ 份量唔少, 都有20隻, 隻隻都超熱~ 蝦頭好大, 但係就冇乜膏, 蝦嘅味道好鮮, 肉地比白灼蝦稍為實咗dd, 而粗鹽都好吊起肉嘅鮮味, 增添一份鹹感~ 不過唔小心就會成粒粗鹽放入口, 都咪話唔鹹… 但係酒味較為遜色, 唔係好食到蝦肉有酒味, 呢一點作為醉蝦嘅精髓就失色咗d… 不過呢度菜又要預訂同埋某d鐘數後唔會再做, 加上有肥仔俠親自出手, 絕對係夠晒gimmick!
::: 牛氣沖天 ::: $58
睇名都知道同牛有關, 原來沖天嘅意思係成個煲係咁噴煙出嚟! d煙直頭攻鼻, 好嗆! 完全feel到自己變咗部抽油煙機! 狂吸咗好多油煙入個肺度! 我地坐喺室內, 好彩有個小小嘅抽氣扇, 如果唔係一定會焗死~ 講番正題, 呢個其實係黑椒牛柳粒, 味就夠晒濃, 撈飯就幾好, 就咁食個黑椒汁都幾鹹, 牛柳就ok咁啦, 唔會好韌, 雖然黑椒汁搶咗唔少味, 不過都仲食到有少少肉味. 配菜如洋蔥, 蒜就真係太鹹食唔到…
::: 煲蓋一開 好味自然來 …沙窩通菜 ::: $48
菜名太長, 都唔記得… 即係沙窩通菜啦~ 同牛氣沖天一樣都係噴晒煙嘅煲仔菜, 又一次煙霧彌漫… 呢個通菜味道反而幾好, 好香蒜茸味, 落埋少少椒絲有少少辣就更加惹味~ 莖同葉份量比例均勻, 咬落都幾鮮嫩~ 只有小部份唔太新鮮, 不過可以接受~
::: 招牌釀鴛鴦吉列豬扒 ::: $68
鴛鴦吉列豬扒有2大塊, 其實係喺吉列豬扒入面分別夾入芝士火腿同黑椒~ 黑椒嗰面味道唔太重, 只有少少黑椒味, 好在豬扒炸出嚟都好香脆, 炸粉唔太厚而且好脆口, 而豬扒本身都肉地嫩滑, 有少少筋但係唔韌~ 芝士火腿嗰面就幾好食, 芝士加豬扒好夾, 仲可睇住d芝士漏出嚟添~ 火腿就有d多咗, 本身豬扒口感已經蓋住嗰塊薄薄嘅火腿, 完全都感覺唔到火腿嘅存在… $68兩塊吉列豬扒有點兒貴…
::: 金銀蒜蒸瓜瓜叫 ::: $38
呢個菜名就易明d, 係蒜蒸南瓜, 茄瓜同娃娃菜~ 呢個終於比較正常, 又唔會煙霧彌漫~ 南瓜好好食! 蒸得好淋之餘, 加埋面頭嗰d蒜一齊食, 清得嚟又有蒜香~ 可能之前食嘅菜都好濃味, 呢個可以沖沖個口冇咁油膩~ 茄瓜就唔夠南瓜咁淋, 不過味道都幾好~ 娃娃菜都幾好~
友人果然係無介紹錯, 我地食完走嗰陣出面都有好多人等位, 幾個舖位都坐滿人! 如果坐喺地下大廳就應該冇咁大煙, 所以下次有機會食, 千祈咪揀嗰個樓上閣仔… 食到成身油煙, 並不好受… 總括食物無論名字, 做法都幾有創意, 做出嚟嘅餸菜味道就有d見人見智~ 嚟澳門咁多次都唔知呢間野咁出名, 未試過都值得一試, 不過就最好多d人, 叫多幾樣餸嘛~
張貼
