影片
更多
2009-12-30
259 瀏覽
食完雅憩回酒店休息一陣，大家分發好抽到的XMAS禮物，再收拾行裝，去四季酒店行下﹗錢就無賭，不過四季有樣好就係賭場入面可以叫生啤飲，睇住友人賭錢我就有野飲，唔錯唔錯﹗友人小勝而回，又再出發去下一站食宵夜，地點係國慶食完的林記﹗地點在黑沙環，四季打的去大約七十蚊左右。一入門口就見到張老闆，佢同友人在開XMAS PARTY，我地只係食過一次當然唔會認得我地，不過都走埋黎同我地SOCIAL一番，認真親切﹗來呢度當然大口大口啤酒，$11支青島抵飲又順喉，最緊要是叫多六隻骰盅，一路玩一路食最有氣氛。先來的是上次吃過超好味的葡式凍蝦，以大量洋蔥加入芫茜橄欖油醃製而成，蝦是已去殼的中蝦大大隻，與一大羹配料同吃，惹味非比尋常，一客有八隻，我最至鍾意食0的臭口野，食完蝦都仲要剷0的洋蔥來吃，好好味啊﹗再來是川味花螺，花螺夠多配上杰撻撻既川汁，辣度十足，花螺雖然細隻不過很爽口新鮮，辣汁是辣中有麻，香港很多地方的辣酒螺辣度未及佢一半，友人吃到成頭汗，可知一二﹗紙包銀鱈魚，味道就比較淡，亦也許我地岩岩吃完兩個濃味食物，吃不出其應有味道﹗炸墨魚球外脆內軟，咬入裡面仲有不少墨魚小粒，吃落就知是手打的，口感煙韌彈牙
錢就無賭，不過四季有樣好就係賭場入面可以叫生啤飲，睇住友人賭錢我就有野飲，唔錯唔錯﹗
友人小勝而回，又再出發去下一站食宵夜，地點係國慶食完的林記﹗
地點在黑沙環，四季打的去大約七十蚊左右。
一入門口就見到張老闆，佢同友人在開XMAS PARTY，我地只係食過一次當然唔會認得我地，不過都走埋黎同我地SOCIAL一番，認真親切﹗
來呢度當然大口大口啤酒，$11支青島抵飲又順喉，最緊要是叫多六隻骰盅，一路玩一路食最有氣氛。
先來的是上次吃過超好味的葡式凍蝦，以大量洋蔥加入芫茜橄欖油醃製而成，蝦是已去殼的中蝦大大隻，與一大羹配料同吃，惹味非比尋常，一客有八隻，我最至鍾意食0的臭口野，食完蝦都仲要剷0的洋蔥來吃，好好味啊﹗
再來是川味花螺，花螺夠多配上杰撻撻既川汁，辣度十足，花螺雖然細隻不過很爽口新鮮，辣汁是辣中有麻，香港很多地方的辣酒螺辣度未及佢一半，友人吃到成頭汗，可知一二﹗
紙包銀鱈魚，味道就比較淡，亦也許我地岩岩吃完兩個濃味食物，吃不出其應有味道﹗
炸墨魚球外脆內軟，咬入裡面仲有不少墨魚小粒，吃落就知是手打的，口感煙韌彈牙有嚼勁，墨魚味濃厚，不用蘸醬吃我覺得更能食出佢既質素，越食越有味道﹗
老闆上次同我地講要吃烤牛舌，今次就叫一份來試下，不吃內臟的我也放膽吃半片，講真唔太識欣賞牛舌的美味，我只覺得味道有0的似煎脆左而又比較煙韌既午餐肉。
烤魷魚乾前後ORDER了兩碟，香口小食最岩佐酒，蘸芥辣豉油同吃更是一絕，六人也大讚﹗
孜然牛粒雖然賣成一百蚊一碟，不過佢所用既牛肉粒牛味真的濃郁，口感軟熟而有質感，吃得出那豐腴的肥美，大大粒千其唔好咬兩野就吞，多嚼幾口讓口腔滿充斥那牛肉味道是一份享受，牛味一浪接一浪，嗜牛者必滿意﹗
最後來了一個蝦咖哩加豬仔包及蒜蓉包，咖哩夠香而微辣，送麵包真的一流，蝦是中蝦爽口新鮮，呢間野的豬仔包十分香脆，差不多見到枱枱都用佢來蘸咖哩，真係幾鬼好味架﹗
成枱都係野食，玩下骰盅大叫大嚷，這就是我們的宵夜，玩到12:00個個眼皮半合，先盡興而歸﹗
埋單六百幾蚊，飲左十幾支BEER咁多野食都咁抵，又是要再推介的時候﹗
張貼
