貝隆 (已結業)

最近幾年工作好忙，經常忽略咗家人，為了彌補家人特意抽去一個週末陪daddy，mommy去澳門轉多一圈。難得去玩，又係陪家人，肯定要住好吃好喇！特意選咗住係悅榕莊，因為悅榕莊本身就係一個非常好嘅Hotel，而且佢又有好多好正嘅餐廳。餐廳選擇咗係31層嘅貝隆餐廳，品嘗咗〃週六下午茶〃（係Hopetrip度booking先HKD378一位）。週六下午茶，共有十款小點心，單單三文治就有三種口味，開心果多士三明治、黑橄欖配綠茶多士、藍鰭吞拿魚蕃茄三明治。我最鐘意嘅點心係火腿蛋醬甜筒、馬卡龍和雜錦鮮果。火腿蛋醬甜筒個脆皮筒裡面加咗義大利風乾火腿〃Prosciutto〃，仲搭配咗兩種醬料搭配，一種係咖喱味，另外一種係酸甜嘅蛋醬。個人就比較鐘意酸甜味個蛋醬，比較開胃。我平時好少食馬卡龍（因為太甜），但是貝隆個馬卡龍又剛剛好窩，甜度適中。仲有雜錦鮮果，滿滿嘅Cream超正。