影片
更多
2015-11-08
2380 瀏覽
良心小店，平易近人的老闆娘位於白鴿巢，由”新英記"行過黎大約8分鐘（550米），入口位於佳景溜冰場和M記中間，樓梯上去平台就係。一去到店面，店員己經走出黎問要乜野，其實我見到大大盤試食盒，好想試食但又唔好意思，於是就直接買左甘草檸檬同川貝陳皮（每包＄35）。唔講唔知，原來店員都未知佢間店入左米芝蓮，仲問我米芝蓮係乜，話今日接到個電話都問米芝蓮，佢答人打錯（笑爆！）之後店員（改口叫老闆娘可能岩D）仲講起店鋪歷史，話係由佢老爺做起，做到而家己經五十多年了，店內的陳皮檸檬都係自己曬，落雨就曬唔到了，平時都有台灣人呀，外國人黎幫襯，等等等等，佢好健談，講左好多野。。。半百年的老店，真係希望可以傳承落去。MENU：好多小盒比人試食：講返食物，”檸檬王”最出名既甘草檸檬，入口微酸，煙煙靭靱咁，有微微的甘草香味，無平時食個D檸檬乾咁酸，明顯真材實料無加古靈精怪野，只有皮而無核，可以當零食咁食多幾舊。至於川貝陳皮，可能陳皮本身隻味太勁，所食聞落唔係好覺有川貝味。另外，因為係陳皮乾，就咁食會勁硬，老闆娘話浸兩三塊落水飲。我今朝都有幾聲乾咳，好乖咁浸左兩塊大加一塊細既落支水度飲，浸左半個鐘左右飲，飲到好香
良心小店，平易近人的老闆娘
位於白鴿巢，由”新英記"行過黎大約8分鐘（550米），入口位於佳景溜冰場和M記中間，樓梯上去平台就係。一去到店面，店員己經走出黎問要乜野，其實我見到大大盤試食盒，好想試食但又唔好意思，於是就直接買左甘草檸檬同川貝陳皮（每包＄35）。唔講唔知，原來店員都未知佢間店入左米芝蓮，仲問我米芝蓮係乜，話今日接到個電話都問米芝蓮，佢答人打錯（笑爆！）之後店員（改口叫老闆娘可能岩D）仲講起店鋪歷史，話係由佢老爺做起，做到而家己經五十多年了，店內的陳皮檸檬都係自己曬，落雨就曬唔到了，平時都有台灣人呀，外國人黎幫襯，等等等等，佢好健談，講左好多野。。。半百年的老店，真係希望可以傳承落去。
MENU：
好多小盒比人試食：
講返食物，”檸檬王”最出名既甘草檸檬，入口微酸，煙煙靭靱咁，有微微的甘草香味，無平時食個D檸檬乾咁酸，明顯真材實料無加古靈精怪野，只有皮而無核，可以當零食咁食多幾舊。
至於川貝陳皮，可能陳皮本身隻味太勁，所食聞落唔係好覺有川貝味。另外，因為係陳皮乾，就咁食會勁硬，老闆娘話浸兩三塊落水飲。我今朝都有幾聲乾咳，好乖咁浸左兩塊大加一塊細既落支水度飲，浸左半個鐘左右飲，飲到好香既陳皮味，仲有微微既川貝甘香味，生津解渴。
張貼
