影片
更多
2012-01-03
1724 瀏覽
新年新開始，梗係食餐好，要介紹既係澳門都幾隱世既雄裕老地方。睇網上食評同資料就唔太多有介紹過，現場去到亦都以澳門本地人食飯為多。以食煲為主，雞煲、水魚煲、蟹煲、海鮮煲咩煲都有，亦有不少海鮮及小炒供應﹗價錢相當大眾化，起碼平大馬路附近的食店接近一倍﹗門口堆滿各式各樣的貝殼類，大家都知我是貝殼lover，係貝都鍾意食，未食飯在門口已知呢間野岩哂我﹗店子少少分兩個鋪，大排檔小店格局，全無裝修可言﹗呢晚8:30pm左右來到，岩岩有張吉枱即時入座，遲多十五分鐘都要在門口等位，真係好彩﹗青島$12支，飲得幾多叫幾多﹗見到有此店自家釀的糯米酒出售，很想試試但有了聖誕的斷片事件後，內心掙扎下還是謹慎一點比較好﹗來這兒就是為了這個泰式冬蔭公花甲蟹煲﹗足料非常，有水蟹兩隻、大頭蝦十數隻、花甲都有大半斤，另加大量雜菇、雜菜等﹗我同食家最愛係佢個湯底，冬蔭公湯頭鮮帶微辣，配海鮮味道很夾，食落樣樣都新鮮﹗大大煲我地四個人食岩岩好﹗最重要係價錢，呢個湯底令人驚訝地只係$200，咁重料都咁抵真係令人吃得格外開心呢﹗大頭蝦雖不是什麼貴貨色，不過食起上來隻隻有膏，肉又彈牙，好味道﹗見個煲咁平梗係唔介意叫多幾樣食飯啦﹗豪
睇網上食評同資料就唔太多有介紹過，現場去到亦都以澳門本地人食飯為多。
以食煲為主，雞煲、水魚煲、蟹煲、海鮮煲咩煲都有，亦有不少海鮮及小炒供應﹗
價錢相當大眾化，起碼平大馬路附近的食店接近一倍﹗
門口堆滿各式各樣的貝殼類，大家都知我是貝殼lover，係貝都鍾意食，未食飯在門口已知呢間野岩哂我﹗店子少少分兩個鋪，大排檔小店格局，全無裝修可言﹗
呢晚8:30pm左右來到，岩岩有張吉枱即時入座，遲多十五分鐘都要在門口等位，真係好彩﹗
青島$12支，飲得幾多叫幾多﹗
見到有此店自家釀的糯米酒出售，很想試試但有了聖誕的斷片事件後，內心掙扎下還是謹慎一點比較好﹗
來這兒就是為了這個泰式冬蔭公花甲蟹煲﹗足料非常，有水蟹兩隻、大頭蝦十數隻、花甲都有大半斤，另加大量雜菇、雜菜等﹗
我同食家最愛係佢個湯底，冬蔭公湯頭鮮帶微辣，配海鮮味道很夾，食落樣樣都新鮮﹗大大煲我地四個人食岩岩好﹗最重要係價錢，呢個湯底令人驚訝地只係$200，咁重料都咁抵真係令人吃得格外開心呢﹗
大頭蝦雖不是什麼貴貨色，不過食起上來隻隻有膏，肉又彈牙，好味道﹗
見個煲咁平梗係唔介意叫多幾樣食飯啦﹗豪情地劏番隻游水墨魚先﹗
游水墨魚在香港食要十幾廿蚊兩，呢度只係$8，呢隻10兩，輕灼一陣彈牙軟糯，真的啖啖墨魚香呢﹗
花螺在香港邊度捨得食，在食店成$200幾一斤，試過在街市買也要$130﹗反而呢度只賣$120斤，呢碟係例牌的辣酒煮花螺，只係$80，份量也不少呢﹗
花螺味濃，煙韌充滿嚼勁，汁未算好辣不過勝在唔會嗆左螺味﹗
實在太好食，頂唔順之下都係要再叫多碟白灼的﹗$80﹗原汁原味，蘸辣椒醬真係一流﹗
不是容易吃到的角螺，呢度都有得買﹗濃濃的海水味，Yummy，我地又食左兩碟﹗
澳門打邊爐好鍾意食呢度面根，睇落有尐似我地吃開的生根﹗
事實上佢厚生根好幾倍，吸湯能力自然高幾倍，掛上已滿是海鮮精華既湯汁，正.....................我吃了六粒﹗呵呵﹗
最後來個濃湯豆苗，滿足哂﹗這間隱世小店味道真不錯，我地加多個烏冬，再加十支青島，埋單一人兩百蚊都唔洗，極抵食呢﹗
地點在關閘，新馬路去我估$40的士，我地一行人在最遠的黑沙灣沙灘搭去是$120，不難找就在車站附近呢﹗
題外話/補充資料：
澳門於1/1/2012開始全面室內禁煙，大家心照﹗
(以上食評乃用戶個人意見 , 並不代表OpenRice之觀點。)
張貼
