巴黎人自助餐

營業中

休息中

入住酒店可免費享用早餐/午餐/晚餐自助餐，我哋梗係㨂食晚餐啦，唔洗夜晚頻撲搵食，留喺酒店悠閒享用晚餐，可以由18:00食到22:00甜品區有個巴黎鐵塔放甜品，好靚，合照一流西餅好精緻，就算唔食，觀賞下都好開心。仲有蛋糕、奶凍、生果，生果好新鮮，店員好親切咁示意我隨便拎熱食選擇都唔少，仲有湯粉麵，不過我唔係好肚餓，冇食到，淨係影相都飽留咗啲quota食呢個燒牛肉，好嫩滑、又唔羶。食咗幾碟，好滿足估唔到有凍蟹腳食，都唔錯呀，好有海水味仲有日式壽司同前菜啲壽司會一路轉款，食到尾段先見到有劍魚腩，飽都忍唔住要食返幾件，魚味好香濃冷盤沙律都有好多選擇食咗最愛嘅煙三文魚配沙律菜飲品方面，可以同店員落單，之後就會送去我哋張枱。都係無限供應嘅。晚餐唔係好多人食，唔使爭嘢食，所以整個用餐感覺都好良好，好享受，店員亦都好有禮貌。不過有啲店員淨係識得講英文，有需要可以搵返啲識得講中文嘅店員協助。