名馳

營業中

休息中

喺澳門做嘢，好處就係有時都可以食到啲唔同香港口味嘅食物，今日行過呢間食店，入面都唔少澳門人，所以又入去試吓，一般街坊格局，坐低就叫咗： 牛肉羹：其實係唔杰身而係稀嘅，似湯多啲，有啲淡淡嘅藥材味，但係牛味好濃，老細話呢啲係傳統福建食品喎！有啲驚喜！ 鹹飯：通常叫牛肉羹都會叫埋呢個鹹飯，當地人咁就當一餐啦，好平，七蚊！鹹飯入面有啲丁香魚同埋豬肉，上面仲有花生同蔥花，聞落幾香，食落同個湯幾夾，唔錯！呢間店仲有賣牛心，牛腩，牛展同聖子湯，睇嚟我都要嚟多幾次試埋先得啦！