皇宮海鮮舫

營業中

休息中

事隔三年重遊澳門，住喺新開嘅老佛爺酒店，經過西門行出去斜對面就係澳門葡京人酒店，皇宮海鮮舫就係旗下嘅中餐廳。可能地理位置關係，人不多，但無損其華麗氣派嘅裝修，環境高尚而不焗促，枱與枱之間都有一定距離，感覺到其定位係相對高級。三個人點了懷舊蝦多士、紅米脆皮腸粉、叉燒包、山竹牛肉球、肉絲炒麵、古法馬拉糕及桂花馬豆糕。蝦多士除左蝦膠仲見原隻蝦，香口而不會滿口油，蝦膠彈牙有鮮味；腸米外軟內腸，餡料豐富；叉燒包皮香餡多，叉燒肥瘦適中；牛肉球相比之下較為失色，牛肉似乎落了很多鬆肉粉，已經無味；肉絲炒麵驚艷，比香港大酒樓出色；馬拉糕好香，新鮮熱辣又香軟；馬豆糕好香馬豆味，桂花味反而軟淡。澳門飲茶質素比香港大部分茶樓好，價錢更比香港相宜。