祥記麵家

營業中

休息中

28-2-2009Plan 了咁多「餐」, 其實我最期待食的係蝦籽撈, 先寫第一 round.蝦籽撈 ($18) 原來幾的骰, 滑滑的 (豬油?), 黐埋一餅, 好在老闆娘 (?) 見我0地夾得咁狼狽, 主動埋0黎幫我0地剪麵 麵質夠晒彈牙, 帶蛋香豬油香, 撈上蝦籽, 幾好食. 不過個人偏好勁「多蝦籽」版的蝦籽撈, 呢度的稍嫌唔夠喉. 另外亦叫了金沙鯪魚球 ($27), 粒粒脹卜卜, 外層係炸米粉條, 熱辣辣十分脆口, 食落彈牙鬆泡, 唔腥之餘仲好鮮味, 好食! 蜆介醬亦出色, 味道夠晒鹹鮮, 用0黎蘸鯪魚球一流. 見食友們的白灼魚皮相片亦幾吸引, 下次幫襯的話希望有機會試試吧.