影片
更多
2008-10-06
113 瀏覽
25-27/9 今次再來澳門, 其中的一個目的就係食禾蟲, 在我細細個的時候曾經食過一次禾蟲, 香口味甘的, 真係畢生難忘.今次到澳門之前搜集資料下, 發覺陶陶居係其中一家比較好的餐館, 有禾蟲食, 魚翅就更加出名了.我與太座兩個人, 原本第一天夜晚到來, 發覺原來早日打風之後, 陶陶居居然休業, 唔做生意, 同街及其他同行都一樣照開業, 我就覺得少少奇怪及讚嘆, 如此認真, 呢間店值得見識, 一於唔去其他, 等第二晚再黎過.到左第二晚六點鐘左右, 我就同太座由酒店步行到餐館, 當時都尚未太多人, 但坐底唔夠二十分鐘便已經爆滿.同場隔離檯, 係一個韓國家庭, 我與太座都懂少少韓文, 不過我地都冇多事, 由得店員侍應去解決, 見侍應們唔多識英文, 都細心及盡力幫他們點好了菜, 招呼服務, 唔到大酒店級數, 餐館嗟, 都叫合格及可以接受吧.而我與太座就點了1.古法瓦煲翅 (足六兩) - 裝滿的, 足足有五碗, 翅針爽滑可口又夠晒粗, 仲要係一梳梳好正呀, 湯底係金華火腿爻既上湯. 好飲.2.焗禾蟲 - 雖然同香港既砵仔焗都係一樣 先原砵炸完再焗 不過去油工夫做得好, 一點都唔油, 禾蟲好
禾蟲, 香口味甘的, 真係畢生難忘.
今次到澳門之前搜集資料下, 發覺陶陶居係其中一家比較好的餐館, 有禾蟲食, 魚翅就
更加出名了.
我與太座兩個人, 原本第一天夜晚到來, 發覺原來早日打風之後, 陶陶居居然休業, 唔
做生意, 同街及其他同行都一樣照開業, 我就覺得少少奇怪及讚嘆, 如此認真, 呢間店
值得見識, 一於唔去其他, 等第二晚再黎過.
到左第二晚六點鐘左右, 我就同太座由酒店步行到餐館, 當時都尚未太多人, 但坐底唔夠
二十分鐘便已經爆滿.
同場隔離檯, 係一個韓國家庭, 我與太座都懂少少韓文, 不過我地都冇多事, 由得店員侍應
去解決, 見侍應們唔多識英文, 都細心及盡力幫他們點好了菜, 招呼服務, 唔到大酒店級數,
餐館嗟, 都叫合格及可以接受吧.
而我與太座就點了
1.古法瓦煲翅 (足六兩) - 裝滿的, 足足有五碗, 翅針爽滑可口又夠晒粗, 仲要係一梳梳
好正呀, 湯底係金華火腿爻既上湯. 好飲.
2.焗禾蟲 - 雖然同香港既砵仔焗都係一樣 先原砵炸完再焗 不過去油工夫做得好, 一點
都唔油, 禾蟲好新鮮, 完全冇腥味, 好香好味.
3.燒太子鴿- 乳鴿細細隻, 剛好由軟骨轉硬骨前的乳鴿, 剛剛炸燒起來, 一流.
4.紅燒豆腐班腩煲-或者世事往往是不完美的, 紅燒豆腐好食, 班腩既班塊好食, 就係偏偏
紅燒豆腐班腩煲衰左, 班塊摻粉摻太厚, 好似整咕嚕肉咁, 或者就我攪錯, 海鮮酒家應該
要蒸先o岩, 我提過的韓國家庭佢地就叫左一條蒸魚, 不過上菜時侍應可以將碟魚赤
手空拳拎上檯, 代表咩呢? 條魚係完全浸熟, 而唔係真係蒸既.
成餐飯兩個人兩把咀都食到接近一千了, 臨走時望到門口個魚池, 嘩成尺長既蟶子呀,
仲要俾最鍾意食既老婆大人見到, 大鑊.
縱觀呢間餐館係唔錯, 佢拿手既野會好得, 如果你一心食好野, 唔想做白老鼠浪費一百
幾十去試其他送, 咁切勿亂試其他未有人讚過既菜.
又想講多少少 有關乳鴿既 上年來澳門前 見過一些食Blog說 什麼乳鴿好似雞咁大隻,
好好食好好味, 我當堂呆左, 咩食評呀? 乳鴿與雞係唔同要求, 唔同口感 甚至唔同味道,
乳鴿唔細隻, 想食恐龍咩??
張貼
