影片
更多
2024-06-19
630 瀏覽
嚟澳門玩好想食正宗嘅葡國菜，坐的士嘅時候的士司機就推薦我哋去呢間福龍。聽講平時都好多人可能要訂枱，我哋無為意就直接walkin去食，嗰時大約五點九未到六點，佢就要求我哋七點半前要還枱。建議大家如果熱門時段想去食都係要訂咗位先會好啲。去到我哋一共食咗五樣餸：葡國臘腸炒菜、馬介休球、非洲雞、葡式煎魚柳同埋秘制咖喱蟹。炒菜同平時蒜蓉炒菜差唔多，葡國臘腸係pepperoni，有少少酸酸哋鹹鹹哋，我都係鐘意中式臘腸多啲。馬介休球就係我要求要點嘅，因為我好鐘意鹹魚同薯仔，我覺得佢炸皮好薄，食落每啖都係薯仔好滿足。不過食食吓覺得有少少鯪魚球嘅味道，可能對某啲人嚟講會偏腥？但我就好鐘意食。非洲雞就係見佢唔係喺常設menu就點咗嚟食，一上枱睇落乾乾哋鞋鞋哋無咩期待，點知食落好juicy，個汁好惹味，撈飯一流。份量得五嚿，唔夠分啊。葡式煎魚柳就普通，份量都唔算多嘅，勝在個魚煎得好香脆又唔怕有骨。秘制咖喱蟹就真係大力推薦，我唔食蟹嘅因為整到成手污糟晒又好難剝肉。不過佢哋好貼心有比埋手套，鉗，濕紙巾同洗手水。如果唔係見佢哋咁有準備我都唔會落手食。佢蟹鉗其實都已經有剪開比你，食起上嚟難度唔算高，唔識食都搣到啲肉
聽講平時都好多人可能要訂枱，我哋無為意就直接walkin去食，嗰時大約五點九未到六點，佢就要求我哋七點半前要還枱。
建議大家如果熱門時段想去食都係要訂咗位先會好啲。
去到我哋一共食咗五樣餸：葡國臘腸炒菜、馬介休球、非洲雞、葡式煎魚柳同埋秘制咖喱蟹。
炒菜同平時蒜蓉炒菜差唔多，葡國臘腸係pepperoni，有少少酸酸哋鹹鹹哋，我都係鐘意中式臘腸多啲。
馬介休球就係我要求要點嘅，因為我好鐘意鹹魚同薯仔，我覺得佢炸皮好薄，食落每啖都係薯仔好滿足。不過食食吓覺得有少少鯪魚球嘅味道，可能對某啲人嚟講會偏腥？但我就好鐘意食。
非洲雞就係見佢唔係喺常設menu就點咗嚟食，一上枱睇落乾乾哋鞋鞋哋無咩期待，點知食落好juicy，個汁好惹味，撈飯一流。份量得五嚿，唔夠分啊。
葡式煎魚柳就普通，份量都唔算多嘅，勝在個魚煎得好香脆又唔怕有骨。
秘制咖喱蟹就真係大力推薦，我唔食蟹嘅因為整到成手污糟晒又好難剝肉。不過佢哋好貼心有比埋手套，鉗，濕紙巾同洗手水。如果唔係見佢哋咁有準備我都唔會落手食。佢蟹鉗其實都已經有剪開比你，食起上嚟難度唔算高，唔識食都搣到啲肉有食乾淨個鉗，係要小心碎殼。
個咖喱好惹味，我食唔到好辣但都接受到呢個辣度唔會話要係咁飲水。除咗蟹入面仲有啲蛋絲同埋洋蔥，洋蔥我真係食唔停口，爽爽哋又可以食到咖喱汁，大滿足。如果餐前送嘅餐包留到呢個moment點咖喱食一定好正。
佢送嘅餐包都好好食，暖暖哋，都紥實，就要食同點湯都好味。湯就係雜菜薯仔湯，薯仔存在感好重，每啖都食到少少薯蓉嘅感覺。
總括而言，每樣都唔錯，不過份量偏少，同埋偏鹹，可能要叫多兩個飯嚟送會好少少。
馬介休球
56 瀏覽
0 讚好
0 留言
非洲雞
121 瀏覽
0 讚好
0 留言
秘製咖喱蟹
272 瀏覽
0 讚好
0 留言
張貼
