蟹皇撈

營業中

休息中

澳門本地人帶路去嘅呢間蟹皇撈真係好好味位置唔算遊客區 但食完去三盞燈食豬腳薑都近當日所見全部都係本地人 得我一個遊客真心推介 如果鍾意食蟹粉野一定唔可以錯過！去澳門食卜卜蜆煲已經成為指定動作但蟹粉版就真係未試過 上枱後淋上蟹粉焗一陣隻隻蜆都漲卜卜好鮮甜 加埋蟹粉真係鮮上加鮮極品蟹皇撈飯係招牌菜 我地叫左套餐仲跟埋小食同燉湯 先講燉湯真係好足料幾大件排骨同原粒獨子黑蒜燉一盅湯 可想而知幾鮮甜 聽講黑蒜仲對健康好好㗎蟹皇撈飯係成大碗蟹膏蟹粉淋上飯 好香好鮮味食晒成碗飯都仲有蟹膏淨 份量夠撈兩碗飯再試埋蟹黃夾饃 用夾饃夾住蟹黃食都係咁正夾饃口感煙韌有咬口 但要小心食到成手蟹油招牌咖喱牛雜煲另一樣澳門嘅代表美食就係牛雜喇我地揀左咖哩味 香得嚟唔辣嘅 怕辣朋友都食得煮得好入味 牛肚好厚有嚼勁 牛筋炆得夠軟腍