影片
更多
2015-03-20
10284 瀏覽
每次過澳門必定以buffet 作晚餐，無它，貪佢性價比高，價錢一般比香港平，選擇與質素亦不頼。是次由友人選出MGM的盛事，網上評價不錯，連加一澳門幣440左右，合理，姑且一試吧！原來餐廳就在正門大堂的旋轉型樓梯旁，餐廳面積不算很大，約有三數十張枱，而門外(即樓梯旁)亦有約十張枱，幸好我們有預早經Email訂枱，要不然被安排坐門口位置，被人來人往的遊客睇到狼吞虎嚥既食相或者一個唔覺意被攝入鏡就醜死人！我地首先向冷盤及刺身埋手，以下係我地既「戰利品」：沙律 - 有多款醬汁及醋可供自行拌勻，我選了最喜歡的Caesar。即開生蠔 –Size 偏小，忘記問產地，雖然新鮮但味偏淡及海水味濃偏咸，而且有啲較有味，又啲就冇味。蠔開得唔好，要小心，有好多蠔殼…刺身 – 有五款選擇：三文魚、吞拿魚、八爪魚、魷魚、甜蝦。三文魚肥美，推介！甜蝦都新鮮，唔錯！八爪魚、魷魚一向唔「好」，因為覺得無咩味，評價為正常吧。吞拿魚冇試，因為不嬲嫌腥唔食(除日本築地)，看樣子也不吸引…龍蝦 – 龍蝦每次refill廿幾隻，每次一出不消一分鐘就被人夾哂。友人覺得不錯吃，攞左兩轉，不過我唔識欣賞，覺得肉「鞋」味淡…蟹腳、蟹鉗
原來餐廳就在正門大堂的旋轉型樓梯旁，餐廳面積不算很大，約有三數十張枱，而門外(即樓梯旁)亦有約十張枱，幸好我們有預早經Email訂枱，要不然被安排坐門口位置，被人來人往的遊客睇到狼吞虎嚥既食相或者一個唔覺意被攝入鏡就醜死人！
我地首先向冷盤及刺身埋手，以下係我地既「戰利品」：沙律 - 有多款醬汁及醋可供自行拌勻，我選了最喜歡的Caesar。
即開生蠔 –Size 偏小，忘記問產地，雖然新鮮但味偏淡及海水味濃偏咸，而且有啲較有味，又啲就冇味。蠔開得唔好，要小心，有好多蠔殼…
刺身 – 有五款選擇：三文魚、吞拿魚、八爪魚、魷魚、甜蝦。三文魚肥美，推介！甜蝦都新鮮，唔錯！八爪魚、魷魚一向唔「好」，因為覺得無咩味，評價為正常吧。吞拿魚冇試，因為不嬲嫌腥唔食(除日本築地)，看樣子也不吸引…
龍蝦 – 龍蝦每次refill廿幾隻，每次一出不消一分鐘就被人夾哂。友人覺得不錯吃，攞左兩轉，不過我唔識欣賞，覺得肉「鞋」味淡…
蟹腳、蟹鉗 (最右手邊) – 蟹鉗比蟹腳好吃得多，鮮甜多汁，相反蟹腳雖然大啖肉，但反而淡而無味…青口、螺、帶子 (左手邊) – 質素一般，不算好吃，也不難食，只拿了一次
Ham 類 – 有四、五款選擇，最好食係Parma Ham, 味道剛好，不會死咸，不過數量少，幾乎要同人爭先有。另外有一款風乾牛肉(好似係咁叫)都好味，可以一試
牛肉餅 (有蕃茄蓉鋪面)– 似夾起來的Pizza, 好多芝士，好味
西冷 – 不過不失吧，以buffet 來說尚可，當然不要吹毛求疵用扒房質素與之相比
南瓜湯 – 不好喝，好啖，無南瓜味，質感像麥片
蜆仔味噌湯 – 蜆仔與湯分開盛，日式超市能買到的都比它好喝
甜品推介 – 甜品總的來說幾好，攞左幾轉。奶凍不會太甜，又有士多啤梨醬鋪面，甜甜酸酸，好味，推介！旁邊的是紅桑子Mousse，同樣是甜甜酸酸的，也很好！其次推介的是雪芭，黃色的是柚子味雪芭，清甜好味，可以一解吃得太多的肥膩感。白色的是薑味雪芭，初初不覺辣，吃到尾就感覺有少許微辣，幾特別，可以一試。
馬卡龍則很難食，非常黏牙，很唔到唔同顏色有唔同味
餐茶-選了奶茶，白糖唔甜，落左3粒先夠味。盛事的選擇不算多，質素一般，若果其它buffet 都試過，想試新野，一試無防。如果你期待的是在盛事能享受到「豐盛」的一餐又或要慶祝，也許澳門有其它更合適合的地方吧！
張貼
