帝影樓

營業中

休息中

上次提及新濠峰住宿套餐，入住當晚會提供「帝影樓」套餐作為晚餐，終於有機會試下米芝蓮一星餐廳係咩味道。住酒店客人可以房間出來後的升降機落餐廳，如果係平時食飯客人可以係餐廳大樓專用電梯直達到。.⭐️帝影樓至尊套餐（二人）燒味雙拼是日老火例湯老醋軟燜黑蒜牛肉豉汁龍躉蒸豆腐上湯浸時蔬蝦頭醬海鮮炒飯楊枝甘露雙皮奶.燒味雙拼有雞同乳豬，兩款肉質嫩滑，乳豬皮脆卜卜，牛肉粒燜到夠軟，龍躉蒸豆腐可能同其他兩款共同上菜，龍躉肉放涼左少少，令本來唔鐘意魚既我覺得有啲同豆腐唔夾。而海鮮炒飯真心要大贊，每啖食到蝦肉粒蟹肉，炒到粒粒分明，味道亦香口，甜品楊枝甘露雙皮奶，我平時無食過咁既配搭，原來又幾夾，至於餐前及飯後甜點係附送，配搭味道係走特別風格，我印象最深刻係綠色青瓜味啫喱😂。環境服務各方面相當可以，餐點亦算好味，唯獨套餐每款份量夠一人一兩件，味道只能淺嘗，但唔好睇份量精緻，兩個人飽到不得了！.餐廳有主要一片用餐區，仲有幾間私人包廂同半開放包廂，用餐環境相當有feel，基本上用餐區中可以透過落地玻璃窗睇到澳門風景，建議差不多6點半入座，可以將藍天白雲到日落黃昏景色同時收入眼簾，成餐晚餐心情都愉快啲。