蕃茄屋葡式美食

營業中

休息中

話說每星期嚟一次澳門工作，都嚟咗幾個星期，今次都最後一次🈵️，但都未食過葡國菜，所以search吓有咩葡國餐廳，我仲以為都係search到小飛象🐘，小木偶嗰啲🗿er…點知大部分都係講依間蕃茄屋🍅歸納我睇到嘅就係: 澳門人好少會去食，大部分係遊客💺，抵食👍，好食😋。雖然話係遊客食店，但由大三巴行過嚟🚶‍♂️🚶‍♀️都有少少遠，我點零嚟到，有好多人等緊，食完兩點幾，門口都仲有人等緊(相)，行完曬完🌞乜胃口都冇晒，所以叫咗唔多嘢食，不過本身我都唔係食得多😝打開餐牌睇吓有乜食，點知睇到公司自我介紹，發現唔係正宗葡國菜，又有啲非洲菜，又有啲中國菜，原來係 fusion菜😏馬介休球，外脆內滑，都幾好味另外叫咗個招牌菜，阿里爸爸焗雞扒飯，我食落就覺得似肉醬意粉轉飯🍝➡️🍚+雞扒🐓，大家應該估到係咪味，但個雞都幾滑，份量亦相當足有樣嘢真係值得讚，門口啲人周圍坐，店員都會請佢哋坐埋一邊，唔好塞住條路，唔會自私，因為自己要做生意而騷擾其他居民👍👍👍