葡多利正宗葡國菜 (已結業)

早幾日同朋友過澳門玩，佢帶左我去食葡國菜。位於氹仔行仔內的餐廳，唔算易揾，如果第一次去，最好search清楚先好去。落單後，職員就拎左兩個餐包比我們。唔知係唔係葡國人的執著，葡國菜的餐包真係幾好食。外脆內軟應該係最適合形容呢個麵包了！加上佢唔係「空心」的麵包，富有麵包香的鬆軟感，加埋香滑的牛油，真係好好食！飲品建議大家飲返鮮榨橙汁，佢比玻璃樽的果汁只係貴少少，而且份量更多。朋友叫的桃光汁係超濃郁的口質，而且甜度有點過甜。餐廳出名的菜式包括「葡萄牙人無論身處世界何地，都會掛念」的葡多利牛扒！講到咁勵害，當然要試試啦。牛扒好快就到，牛排下面有好香的忌廉汁，上面再舖了一隻荷包蛋，樣子好可愛。個樣非常香，而且唔以平時罐頭的個D白汁。牛肉係Medium，煮得剛剛好。本身見牛排唔算特別厚，點知肉味幾香，而且肉質嫩滑，我下次黎絶對會Encore！牛排仲會包一份配菜，除了可以揀飯/薯條/沙律外，還可以揀薯片！！我本身見到都嚇了嚇，薯片當主菜？但食過之後真係停唔到口，佢係新鮮炸起的新鮮薯片，絶對比包袋薯片無得比較。佢的厚度比市面上的厚身少少，但入口鬆脆，而且薯味濃郁。食葡國菜當然要食葡式乳豬啦！一份有四