肥仔文美食

營業中

休息中

那個黃昏吃完咖喱文，一肚氣，再轉戰肥仔文，終於從地獄返回天堂。生滾水蟹粥是招牌菜，$230一大窩，兩大隻水蟹無花無假，水蟹清甜鮮嫩多肉，一啖蟹一啖燙口的熱粥，十分滋味。炸雲吞併炸手打墨丸也是必吃，墨丸像乒乓波，香脆鮮味彈牙，但我更愛炸雲吞，略帶梘水味的雲吞皮用油炸後特別香特別脆，比薯片更味美。為試練厨師鑊氣而叫的蝦醬通菜牛也不得了，鑊氣十足，菜和牛肉都是生炒，我常懷著這卑微而合理的期望叫菜炒牛肉，十次有九次也失望，今次竟是第十次，是喜出望外，蝦醬鋪滿每一口菜每一口肉，無得彈。本來已動彈不得，還是執意要試這裡的竹昇麵，極彈牙，啖啖蝦子香，三兩口又遭消滅了。