楊六記 (已結業)

啱啱喺梓記失望中帶希望到此，地方喺條後巷，營業時間係14:00-18:00，特登就啱時間嚟。又嚟牛雜細碟$20（份量仲多過梓記嗰碟仔），第一舊又係試牛根，香軟諗，仲黏黏，其他唔知牛邊個位，好香牛味，款款口感同味道都唔同，攪到男友大人叫咗支啤嚟送一送。食到底碗湯先精華，好香唔咸，好重膠質，正。之後唔夠喉叫多碗牛雜粥，牛雜份量足，粥底咸咸香香同啲牛雜好夾。澳門三盞燈之後到呢檔，我再到澳門必定幫襯嘅牛雜。