影片
更多
2022-04-18
2847 瀏覽
葡式美食任食在我印象中應該係第一次，本來計劃單點野食，店員極力推薦佢地任食，睇一睇餐牌後覺得可以試試。餐牌內十多款小吃份量的葡菜🇵🇹可以任食兩小時，主要提供餐前麵包、沙律、冷盤、小食、湯、飯類等，基本上係葡式經典菜。除主食飯類較大份外，其他大多數細細碟，如果每樣野想小試一下，呢個放題形式係一個唔錯既選擇。飲品方面有桑格利亞酒（白/ 紅）、葡萄牙啤酒🍻、汽水和水任飲。.傳統葡萄牙任點任食餐牌 ($248/位*）桑格利亞酒Sangria（白/紅）/ 可樂白酒和紅酒試過晒，甜甜地又順口，續杯🥂！.- 豬耳沙律 豬耳爽脆口感，幾有咬感，撈洋蔥絲、芫荽和橄欖油，食落略為油，如果多啲酸味更好更開胃。- 蟹肉釀蟹蓋 本來奇怪無蟹蓋部分，問番店員呢道的確係，將蟹肉拌沙拉醬，搽脆麵包片一齊食，單食醬啖啖蟹肉幾正，連續點三份😆。- 葡式牛肉粒 比想像中大份，將牛肉粒、大蒜和蔬菜用橄欖油炒，大部分牛肉肉質較老，得一兩舊嫩身😅，醬汁還可以的。.- 葡式蟹柳抹醬 和蟹肉釀蟹蓋個款質感相差不大，呢個醬撈埋蟹柳，味道會濃啲，同樣搭配脆麵包片食。- 蒜蓉白酒炒蜆 （兩份）好食再打孖叫，有酒香又香蒜味，鹹淡適
.
傳統葡萄牙任點任食餐牌 ($248/位*）
桑格利亞酒Sangria（白/紅）/ 可樂
白酒和紅酒試過晒，甜甜地又順口，續杯🥂！
.
- 豬耳沙律 豬耳爽脆口感，幾有咬感，撈洋蔥絲、芫荽和橄欖油，食落略為油，如果多啲酸味更好更開胃。
- 蟹肉釀蟹蓋 本來奇怪無蟹蓋部分，問番店員呢道的確係，將蟹肉拌沙拉醬，搽脆麵包片一齊食，單食醬啖啖蟹肉幾正，連續點三份😆。
- 葡式牛肉粒 比想像中大份，將牛肉粒、大蒜和蔬菜用橄欖油炒，大部分牛肉肉質較老，得一兩舊嫩身😅，醬汁還可以的。
.
- 葡式蟹柳抹醬 和蟹肉釀蟹蓋個款質感相差不大，呢個醬撈埋蟹柳，味道會濃啲，同樣搭配脆麵包片食。
- 蒜蓉白酒炒蜆 （兩份）好食再打孖叫，有酒香又香蒜味，鹹淡適中。當日粒粒鮮甜無沙，蜆肉又多又足。
.
- 馬介休炒蛋 將馬介休、脆脆地薯仔絲和洋蔥絲，加入雞蛋炒成，個刻覺得好岩撈飯食😂。
- 忌廉焗馬介休 薯蓉薯仔粒加馬介休碎，有啲位焗到焦香幾好食，飽肚之選。
- 海鮮飯 有份量的一碗飯，配料有蝦、蜆、帶子、青口和魷魚圈，每啖飯有汁包住，湯汁鮮甜，推薦要試👍，配料底下飯量好足，以致我地驚左唔敢叫第二款飯試😂。
.
- 葡國腸薯蓉蔬菜湯 當然要叫任食單唯一一款湯，落左薯蓉湯底有啲濃稠，加入葡國臘腸香香地，鹹淡適中。- 青豆天婦羅 好奇試試，口感幾得意。
.
麵包 牛油
.
食後整體不錯，上餐速度算快，有啲野食平時食葡餐應該唔會單獨叫來試，呢到細細盤每款試少少當體驗下，另外平時一杯sangria 都要幾十蚊，飲酒的話幾杯值回票價。
_
⭐️ 需加一服務費
⭐️ 星期一至星期五 18:00-20:15預約時段，星期六日分12:00-14:00及18:00-20:15 預約時段
張貼
