葡軒 (裝修中)

今次一家去澳門旅行，必須食好野😋！葡菜，係其中一個行程，上網做足功課查完資料見到葡軒係星星餐廳之一，上過米芝蓮一星，所以就決定去摘星👈🏻餐廳係銀河酒店入面，坐酒店穿梭巴士好簡單咁去到。由於係平日，人流唔多，不過都有一早網上訂左位，餐廳既侍應係外國人，餐單就中英雙語，冇點餐既問題。點餐之後，餐前麵包好快就送上，又大又漲卜卜既大麵包，睇落以為比較乾身，但食落並冇，口感咬落亦唔會硬，仲有兩種醬汁可以點，辣椒醬微辣夠香口，Olive oil 淡香味搭配麵包唔會好”漏”炸馬介休球—炸得金黃香脆，炸得熱辣辣，充滿奶油薯仔同魚！滿滿的一個球😆咖哩蟹—超香的咖哩味，食得出真係用香料去煮成，而唔係用咖哩粉/磚個啲！味道同一般咖哩唔同，更加香口濃郁啲蟹都好入味，份量都夠四個人食葡軒焗鴨飯，每啖飯都好濃郁入味，亦唔會乾口，鴨肉都幾多。爸爸食左咖哩蟹之後好鍾意個咖哩，直接令埋黎咖哩撈飯，咖哩鴨飯都唔錯🤣🤣👍🏻👍🏻👍🏻乳豬！睇落份量好像唔大舊，但其實係個碟太大，皮脆肉嫩，真係壓軸咁岩隔離台食海鮮飯，放火一燒幾特別🙊以摘星而言，今餐cp 值好高，家人都食得開心滿足♥️